Side:Nye testamente (1889).djvu/72

og tok Sengi og gjekk ut fyre alle Manns Augo, so dei alle vart forfærde og lovade Gud og sagde: „Slikt hava me aldri seet.“
¹³ Og han gjekk ut til Sjoen atter, og alt Folket kom til honom, og han lærde deim.
¹⁴ Og daa han gjekk framum, saag han Levi, Alfæus’ Son, som sat paa Tollbudi; og han sagde til honom: „Fylg meg!“ Og han stod upp og fylgde honom.
¹⁵ Og det hende seg, daa han sat til Bords i hans Hus, so sat og manne Tollmenner og Syndarar i Lag med Jesus og Læresveinom hans; for dei var mange, og dei fylgde honom.
¹⁶ Og daa dei Skriftlærde og Farisæarne saag, at han aat i Lag med Tollmenner og Syndarar, sagde dei til Læresveinarne hans: „Kor heve det seg, at han et og drikk med Tollmenner og Syndarar?“
¹⁷ Og daa Jesus høyrde det, sagde han til deim: „Dei som ero friske, trenga ikkje til Lækjar, men dei som hava vondt. Eg er ikkje komen til det aa kalla Rettferdige, men Syndarar til Umvending.“
¹⁸ Og Læresveinarne til Johannes og til Farisæarne fastade. Og dei kom og sagde til honom: „Kvi fasta Læresveinarne til Johannes og til Farisæarne, men dine Læresveinar ikkje?“
¹⁹ Og Jesus sagde til deim: „Kann daa Brudsveinarne fasta, medan Brudgumen er med deim? so lenge dei hava Brudgumen med seg, kunna dei ikkje fasta.
²⁰ Men det vil koma Dagar, daa Brudgumen vert teken fraa deim, og daa skulo dei fasta, i dei Dagom.
²¹ Og ingen set ei Bot av utovt Ty paa eit gamalt Klædeplagg; elles vil den nye Boti riva burt av det gamle, og Holet vert verre.
²² Og ingen slær ny Vin paa gamle Lederflaskor; elles vil den nye Vinen sprengja Flaskorna, og Vinen vert spillt og Flaskorna øydelagde. Men ny Vin skal ein slaa paa nye Flaskor.“
²³ Og det hende seg, at han paa Kviledagen gjekk gjenom ein Aaker, og Læresveinarne hans tok til aa ganga og plukka Aks.
²⁴ Og Farisæarne sagde til honom: „Sjaa, kvi gjera dei paa Kviledagen det, som dei ikkje hava Lov til?“
²⁵ Og han sagde til deim: „Hava de aldri leset, kvat David gjorde, daa han trengde til det og var hungrig, baade han og dei, som var med honom?
²⁶ korleides han gjekk inn i Guds Hus, den Tid Abjatar