Side:Nye testamente (1889).djvu/313

² Men me vita, at Guds Dom er etter Sanning yver deim, som gjera slikt.
³ Men trur du det, du Menneskja, som dømer deim, som gjera slikt, og sjølv gjerer det same, at du skal sleppa undan Guds Dom?
⁴ Elder vanvyrder du hans Rikdom paa Godleike og Tolmøde og Langmod og veit ikkje, at Guds Milda driv deg til Umvending?
⁵ Men med ditt Hardlynde og ditt ubotferduge Hjarta hopar du Vreide yver deg paa Vreidens Dag, daa Guds rettferdige Dom vert openberr;
⁶ for han skal giva kvar etter kvar sine Gjerningar:
⁷ deim, som med Trott i god Gjerning søkja Æra og Heider og Uforgjengelegdom, skal han giva eit ævelegt Liv;
⁸ men deim, som ero stridsame og ikkje lyda Sanningi, men lyda Urettferdi, skal hendast Harm og Vreide.
⁹ Trykk og Trengsla skal koma yver kvar Menneskesaal, som gjerer det Vonde, Jøde fyrst og Grekar;
¹⁰ men Æra og Heider og Fred skal hendast kvar den, som gjerer det Gode, Jøde fyrst og Grekar;
¹¹ for det gjeld ingen Mannamun fyre Gud.
¹² For so Mange, som syndade utan Log, dei skulo og fortjonast utan Log; og so Mange, som syndade med Logi, dei skulo og verta dømde ved Logi;
¹³ for ikkje dei, som høyra Logi, ero rettferdige fyre Gud; men dei, som gjera etter Logi, skulo verta rettferdiggjorde.
¹⁴ For naar Heidningarne, som ikkje hava Logi, gjera av Naturi det, som Logi byd, so ero dei ei Log fyre seg sjølve, endaa dei ikkje hava Logi;
¹⁵ for dei syna, at Loggjerningi er innskrivi i deria Hjarto, med di deira Samvit vitnar med, og Tankarne seg imillom saka elder og orsaka deim
¹⁶ paa den Dag, daa Gud skal døma det Dulde hjaa Menneskjom, etter mitt Evangelium, ved Jesus Kristus.
¹⁷ Sjaa, du er kallad Jøde og set di Lit til Logi og rosar deg av Gud
¹⁸ og veit hans Vilje, og fyresynt av Logi prøvar du dei ymse Ting
¹⁹ og trøyster deg til aa vera ein Vegvisar fyre Blinde, eit Ljos fyre deim, som ero i Myrker.
²⁰ ein Uppsedar fyre Uvituge, ein Lærar fyre Umynduge, daa du heve den rette Skapnad av Kunnskap og Sanning i Logi.
²¹ Du som soleides lærer ein Annan, lærer du ikkje deg sjølv? du, som preikar, at Ein ikkje skal stela, stel du?