die zeyt seines lebens, die Reich Denmarcken, Schweden vnd Norwegen, auch das Fürstentumb Schleswig vnnd Holstein, nimmer darein zukommen, auch zu ewigen tagen darwider, vnd dergleychen gegen Kön. D. Adherenten vnd Mitpflichtern, weder mit worten, rath oder that nicht zuhandeln, oder was fürzunehmen, schweren vnd geleben müssen, als nemlich den Hertzogen in Preussen, Lunaburg vnd Landtgraffen zu Hessen &c.
Der Graffe hat Kö. D. nicht ein fussfall, sonder allein ein wenig geneiget, wiewol der fussfall im handel beschlossen worden.
Als Königkliche Durchleuchtigkeit den Graffen angeredt, hat, dieselb jne wes (sic) mit groben worten an gefaren, vnd du geheissen.
Ob Hertzog Albrecht mit Krnigklicher Wirde zu wortten gewesst, ist, mir vnbewiist.
Nach einnemung der Stat Copenhagen, hat Königkliche Durchleuchtigkeit drey Bischoffen, nemlich den Erzbischoff von Lunden, den Bischoff von Rossschilt, vnd den zu Arhausen, gefencklich annemen, vnd auff etlich Schlösser in verwarung bringen lassen.
Der Thucke Krabe, hat acht Bürgen gesetzt, vnd die selben acht, haben acht andere setzen müssen.
Die Reichssräthe so im Fürstenthumb Meckelnburg ein zeytlang gefengklich enthelten worden, sein, in das land zu Holstein, auff das Schloss Segeberg in verstrickung eingenomen worden.
Den XXX Julij, Anno XXXV. ward die Statt Copenhagen gewaltigklich belegert, vnd am XXIX. Julij, Anno XXXVI. erebert vnd gereumet.
Nævnes i Weller, Die ersten deutschen Zeitungen. l. c. Det øvrige af denne Zeitungs Indhold forbigaaes her som os uvedkommende.
