jnnen, als so sie bemanet haben, do ich bey gewesst bin, bey sechtzig Schiff wolgerüst mit grossem geschütz.
Auf disen schiffen inn Summa gehapt vier Fenlin Landtsknecht, Künig. Maye. vonn Schweden, zway Fenlin, Künig. Maye. Cristian inn Dennmarck ein Fenlin, mein gnädiger Herr unss Preüssen ein Fenlin, vnd sind mit den schiffleüten vnd püchsenschützen, bossleüten, vnd was für volck auff die schiff gehöret, inn Summa, vber die vier tausent wörhafftig gewesst.
Die 22. Lübische schiff, de sie wider zu hauss wolten, habend sie grossen schaden gekommen inn der See. Got hasset den hochmut, vnd straffet sichtigklichen den vngehorsam.
Wus Schlösser vnd Stett König. May. Cristian noch nicht jnnen gehapt hat, do ich von dunnen abgeschiden, wie hernoch volgend.
Die statt Koppenhagen inn Seeland, die statt Elbogen inn Schonen, das Schloss Warburg inn Orweden, das Schloss Kraka bey Hellischen Ohr, das Schloss Kullenburg am Belde, inn Seeland.
Mer hat vorgedachter Künig. May. Cristian an Landsknechten vngefärlich 19. Fenlin inn seiner besöldung, vnd etlich hundert Reütter.
Den 23. Nouembris, bin ich auss Schone gezogen, auss Lantskronen, da wir die vnsern schiff haben anffgelegt, vnd hab mein abschid vnd Bassport von meinem öbersten auss Preüssen, haisst Johann Pem, vnd hab von Cristoffel von Velthein, der der öberste Feldherr ist imm läger, vor Koppenhagen auch ein Bassport genommen, vnd bin also herauss gezogen, meinen gschäfften nach.
Derhalben ist an E. F. G. mein vnderthänig hochfleyssig bitt die wöllen diss mein klayn vnderricht oder zeyttung, von
