zeyt lang geuolgt Aber wir habend vns wider gewendt, dasselbig schiff zu retten vnd mit zu nemen, Also habend sich die Lübischen auch gewent, vnd vermaynt, vns dasselbig schiff zu nemen, wann wir vns wider gewendt habend, so habend die Lübischen wider vorgelauffen des habend wir zu jnen geschossen, vnd fürgetriben, Diss lefieren hat geweret biss an den abent, Da sie gsehen haben, das vnser Ammeral vom grund ist abkommen vnd zu sigel gangen, de habent sie etliche schüsse gethon, jrlosung, vnd sie haben den badenquast[1] für sich genommen, sind nach der badstuben glauffen.
Also habend wir die nacht allda gesetzt vnd vermaynt, sie wurden vns des morgens geston haben, Aber sie sind von dannen gewesst nach der badstuben, das wir nicht gewusst haben, ob sie inn das Wissmers tieffe oder trab gelauffen sind, des sind wir wider für Koppenhagen gelsaffen, diss ist geschehen vnder Falster.
Den 14. Nouembris, kamen wir für Koppenhagen, vnd den volgenden tag legten wir die schiff zu Landkrona inn das tieffe des mererthayl, vnd mit den grösten schiffen, wir hetten auff vnserm Preüssischen Narren, vber die 24. krancker knecht, ohn die zuuor gestorben, vnd sonst ans land gesetzt sind worden.
Wir habend auch grossen hunger vnnd kummer auff vnseren schiffen gehapt, Gott vergebs denen, die es vns solten geschafft haben, wie ich hin bezalt worden, vnd die andern, das waysst got vnd ich, Gott vergebs jnen.
Dise meine G. H. als Künig. Maye. inn Schweden, Künig. Maye Cristian inn Dennmarck, Mein genädigenn Herrenn auss Preüssen, haben inn Summa der schiffen vonn Orlich
- ↑ Se om Øgenavnet Badequast Allen, De tre nord. Riger, 1, 504 og 683, Waitz, Schleswig-Holsteins Gesch., 1, 331, og især Hänsische Geschichtsblätter, Jahrg. 1871, 143–44.
