herren zugetaylt, in drey tayl, Also sind der Herren vnnd des gemaynen mannes tayl oder bewt noch bey einander, das der gemain mann mit seinen herren zu thaylen hat.
Item dic Lübischen mit jrem anhang haben aussgmacht XXII. schiff von Orlich auf vnser Herren schiff zunemen, vnd sind mit dem beschayd abgesigelt oder gelauffen nit wider gehn Lübeck zu kommen, sie wöllen vns dann souil schiff nemen, als wir jren genommen haben, wölchs sie aber nicht wagen dörfften, habend auch Koppenhagen mit etlichen schutten gspeysst, die sie mit sich gebracht haben, das die inn Koppenhagen nit fast gholffen hat.
Item dcn 8. tag Nouembris, kommen dic Lübischen mit den 22. schiffen, vnd setzten bei Trackhor vnd Saltzholm Sund, vñ sic hetten guten wind zu vnns, aber sic förchten sie vor schlegen, vnd wolten nicht zu vns, von disen schiffen ward nicht ausgesetzct von Prouandt, als 18[1] thunnen butter, wie sie rhümen, vnnd wir haben kaynen wind zu jhnen gehapt, da sind sie gelegen drey oder vier tag, vnd vnsere schiff waren auff das mal (als sie kamen) vber 12. nicht bey einander, vnd das merer tayl des volcks war auff dem land von vns.
Den. 12. Nouembris, lieffen wir zu den Lübischen schiffen, aber der Schwedisch Ammeral wolt nicht mit, blib allda ligenn vor Koppenhngen, vñ wir setzten den abend mit vnsern schiffen für die Lübischen schiff, dann die nacht war vorhanden, das wir nicht kundten mit jnen schlagen.
Den morgens sind wir zu sigel gegangen, also haben sie auch zu Sigel gangenn, für vnns aus den grundten, do habe wir jhnen geuolgt, des ist meines G. H. auss Preüssen Ammeral auff den grund gelauffen, doch habend wir jnen ein
- ↑ Prof. Maurer tilføier: „nicht ganz deutlich, vielleicht 8?“
