wol bemanet, dann vor mit kriegsuolck, Aber wir haben sie angefallen, vnd vns nit gespart, habend jr gross schiessen nicht geförcht, dann do wir sie auf einem port angriffen, sind sie auff dem anderen aussgefallen, vnd vil von jnen ertruncken, Also habend wir die zway schiff genommen, vnd auch den Boiert, die zu vnser flot gebracht.
Darnach habend meine gnädigen Herrn die verbenanten drey kauffart (wie zuuorn gemelt) wider loss gegeben, vnd vnser geschütz wider daruon genommen, habenn auch kaynen kauffart, hinfort mer angehalten von den vnsern.
Auff disen Datum sind 14. schiff kauffart von Tantzken abgesigelt, vnd bey vns für Koppenhagen, inn den sund gekommen, die haben meine gnädigen Herren angehalten, Aber zu thail vor Laub gegeben nach Engeland zu sigeln, dann sie gehöretenn inn Engeland, die bey vns bliben sind, haben wir drey daruon bemanet, durch was ursachen das gschehen ist, wissen E. F. G. bass dann ich.
Item K. M. C. hat seinen vndersessen verlaub, gegeben, auff die Vischerey zu faren, auff den Heringfanck, auff Schone oder Felsterbud, Sy habend grosse hering gefangen, vnnd des vil, die meins gnädigen Herrn anhang, als die vonn Tantzken Künigsberg, vnd andere vnsere freünd, haben allda den Hering gesaltzen vnd gross gut daran gewunnen.
Aber die Lübischen mit jrem anhang haben da kaynen hering gesaltzen, dann der hering ist jhenen vil zu gross gewesst, vnd lange zeen gehapt, sie habend sich des geförcht, ehr möcht sie inn die finger beyssen, vnd sind also zu hauss bliben.
Item meine G. H. haben beüt mayster gemachet vber die genommnen schiff oder pleyss, Sind meinem G. H. auss Preüssen vier schiff zu seinem tail worden mit allem geschütz. Das ander genommen gelt vnd gut haben sie vnsern dreyen
