Item vnder Bornholm haben wir die neün schiff so von
Koppenhagen abgelauffen sein, vnsere feind gefunden, da sie
vnns erkannt habend, sind sie zu Sigeln gangen, vnd vermaynt,
vns zuschlahen, Aber Grott straffet bald jhren hochmut,
dann als bald wir an sie kamen, do haben wir vns
mit jnen geschossen vnnd geschlagen, vnd jnen vil volcks
erschossen, vnd vmbpracht, vnnd sie haben jrs bött abgehaven,
mit geschütz vnd volck die darinnsn gewesst sind,
vnd die inn der See lassen treyben, Es war ein fliegender
sturmm, das wir mit jnen nicht kundten endern, oder port
an port legen, Vnd dem Schwedischen Ammeral, ward sein
tagripp entzway geschosssn, das jm sein Sigel gefelt ist worden,
sonst wer die flot von vns nicht kommen, Wir hetten
etliche schiff erobert, da entlieffen sie vns mit grossen forchten
gehn Koppenhagen inn den Sundt, da wir nicht hin beschayden
waren.
Item wir waren beschayden inn den Femerssundt, zwischenn Fünen vnd das land zu Holstayn, Als wir nun fortlieffen, do sahen wir ein gross schiff vor vnns, das kame von Rihe, vnnd nach Lübeck geladen mit Kauffmansgut, ein Hollick von 300. lastsn, das hat der Schwedisch Ammeral sein Sigel wider gemachet, vnd ist für die flot aussgelauffen, vnd hat den selbigen Kauffarter genommen, vnd sind wol vber die achtzig mann darauff gswesst, vnd vil daruon sind zu land kommen, die andern zum tayl geschossen, vnd gefangen genommen, das schiff vnnd geschütze ist auff ein thunnen gelts angeschlagenn, inn allem das darauff gewesst ist, Vnd dis drey Herren habend das mit kriegsuolck bemanet, solchs ist geschehen zwischen Femern vnnd dem lande zu Rijgen, vnd habend do vil schutten vnd schiff genommen auch hert vor der Trab vor Lübeck oder Tramindt, vnd wir habend do gelosiert wol drey tag, Darnach hat vns Gott
