Wilhelm inn Eyfland (sic) gewesst, das ich nicht bey vorgeschehenen kriegsleüffen inn Dennmarck gewesst bin (wie vorgmelt) Aber was disen sommer ist inn der Ostersee geschehen, darbey bin ich gewesst, volget kurtzlieh hernach, Bitt hiemitt E. F. G. wo so eben die tag vnnd stund, wie sich es wol gepüret, nicht sind angezaygt, Ew. F. G. wöllen mir solchs nicht verargen, dann solchs ist umb kürtz willen vnderlassen.
Imm vergangnen 35. jar, habend die von Lübeck mit jrem anhang 10. gwaltige schiff vonn Orlich inn der Ostersee gehapt, wol gestaffiert mit geschütz, vnd aller noturfft, jr Ammeral haisset Krafeel, oder die Lübisch Law.
Item der Graff ven Altenburg, vnd die von Koppenhagen, mit jrem anhang, haben aussgemacht neün gewaltige schiff von Orlich wol gestaffiert mit geschütz vnd aller notturfft, Jr Ammeral haysst der Michel, ein schiff mit vier Marsen.
Dise 19. schiff habend die Ostersee dermassen jnnengehapt, das sie vermeynet, Kayn Herr noch Künig solt sie auss der See schlahen, habend noch mit denen, vilen Herren, schaden vnd spot gethon, des hat sie Gott gestrafft, wie hernach volgt.
Die vorgemelten zehen schiff von Lübeck, sind gelegen imm Femersund, vor Assensen an Fünn.
Item Kü. M. Cristian inn Dennmarck hat aussgemachet mit hilff der Ritterschafft vnd Bischouen inn Göttland, neün schif von Orlich, sind nicht wolgerüst gewesst, Ir Ammeral hiess der Hamburgerberg, ein alt schiff.
Dise neün schiff habend sich geschlagen durch die zehen schiff der Lübischen, vnd sind kommen vnder Gottland, dohin sie beschayden sind, da der dreyer Herren schiff wolten zusamen kommen wie geschehen ist.
Item K. M. inn Schweden, ist auch vnder Gottland
