Side:Garborg - Haugtussa.djvu/145

Fra Wikikilden
Denne siden er godkjent


So er dei samla den heile Hop
baade fraa fyrr og no;
full er Troll-Kluft og Svarte-Grop,
stappa er Tusse-To.
Laatt det rullar og Helsingsrop
yvi Fjellom.

Og som Storm yvi stride Hav
vaknar den svarte Songen;
Tonar fraa Haug og Tonar fraa Grav
helsar og hyller Kongen.
Stig og strøymer og stilnar av
yvi Fjellom.


DEI HYLLER SIN HERRE

Heil sitje du og sæl,
du Høvding høg i Hel
og Drott paa Jord.
Ver sterk og stor og fræg!
Gakk staut din Sigers Veg!
Legg Verdi under deg
fraa Sud til Nord!