Side:Nye testamente (1889).djvu/69

Evangeliet etter Markus. 1ste Kapitlet.

 

Upphavet til Evangeliet um Jesus Kristus, Guds Son.
² So som det er skrivet hjaa Profetom: „Sjaa eg sender min Engel fyre di Aasyn, han skal rydja Vegen din fyre deg;
³ det er Røysti av ein, som ropar i Øydemarki: Rydje Herrens Veg, gjere Stigarne hans jamne“,
⁴ so kom Johannes og døypte i Øydemarki og forkynte Daup med Umvending til Forlating fyre Synderna.
⁵ Og heile Judæalandet og dei fraa Jerusalem gjekk ut til honom, og dei vart alle døypte av honom i Jordan-Elvi, naar dei medsannade sine Synder.
⁶ Johannes hadde Klædnad av Kamelhaar og Lederbelte um Livet, og han aat Engsprettor og vill Honning.
⁷ Og han forkynte og sagde: „Det kjem ein etter meg, som er sterkare enn eg, og eg er ikkje verdug til aa luta meg ned og løysa upp Skoreimi hans.
⁸ Eg døypte dykker med Vatn, men han skal døypa dykker med den heilage Ande.“
⁹ Og det hende seg i dei Dagom, at Jesus kom fraa Nasaret i Galilæa og vart døypt i Jordan av Johannes.
¹⁰ Og strakst han steig upp or Vatnet, saag han Himlarne skildest, og Anden for ned paa honom som ei Duva,
¹¹ og det kom ei Røyst fraa Himmelen: „Du er min Son, den elskade, som eg heve Hugnad i.“
¹² Og strakst dreiv Anden honom ut i Øydemarki,
¹³ og han var der i Øydemarki fyrti Dagar og vart freistad av Satan; og han var med Villdyrom, og Englarne tente honom.
¹⁴ Men etter at Johannes var sett fast, kom Jesus til Galilæa og forkynte Evangeliet um Guds Rike og sagde:
¹⁵ „Tidi er fullkomi, og Guds Rike er nær; umvende dykker, og tru Evangeliet!“
¹⁶ Men daa han gjekk frammed Galilæa-Sjoen, saag han Simon og Andreas, Broder hans, som sette Garn i Sjoen; for dei var Fiskarar.
¹⁷ Og Jesus sagde til deim: „Fylgje meg, so skal eg gjera dykker til Menneskjefiskarar.“
¹⁸ Og strakst lagde dei Garni fraa seg og fylgde honom.
¹⁹ Og daa han hadde gjenget litet lenger fram, saag han