Item den 30. Julij, belägert K. M inn Dennmarck Koppenhagen
mit seinen Reuttern nnd Landsknechten, vnd haben
das läger geschlagen, vnd alle tag scharmützel gehalten.
Item den 8. tag Augusti, füreten wir, oder setzten K. M. Cristian vber den sundt inn Schonen, da rayset K. M. nach dem Holm zu seinem Herrn Schwager, Künig inn Schweden.
Den genommenen Lübischen Ammeral haben vnsere Herren Kün. May. Cristian zuvor geschenckt für einen beütpfenninge, der ist darnach Künig. Maye Ammeral worden.
Item Jacob Strack ist mit 9. schiffen von Orlich zu vns kömenn, sein Ammeral haysst Gallian, den hat Jacob Strack inn Orweden lassen bawen, vnnd sind etliche schiff von den neünen mer sein gewesst, ved die andern habend K. M. C. zugehört, Er hat aber K. M. damit gedienet, vnd ist der Ammeral vber die neün schiff gewesst, Ehr ist auch gross Künigs vonn Engelands feynd gewesst, vnd noch, hat gross gut zuuor genommen auff dye Englischen inn der See vnd inn Orweden gepart vnd gebewt.
Item do die Lübischen den Künig Cristern auss Dennmarcke vertriben, habend sie das tieffe vor Koppenhagen versenckt mit etlichen schiffen.
Da enn Künig Friderich die statt erobert hat, vnd des land, Hat er das tieffe zum thayl wider raumen lassenn, das man hat auss vnd ein mit der not die schiff künden legen.
Item die von Koppenhagen haben den Helick, so sie dem von Preüssen (wie vorgemelt) genommen haben, aussgelegt inn das tieffe, vnd vermaynt, sie wolten das tieffe damit beschützen, das wirs nicht solten zusencken, vnd ist gross gschütz darauff gewesst, wnd alle nacht achtzig kriegsmann, wie sich es auff schiffen gehöret, des hat sie alles nicht geholffen, sonder Gott hat sie gstraft.
