| og Forordninger. | 463 |
ædr med kaupi. þegar er med lagum ero vndir kofnar. æda nokora þa luti vndan dragha biskupi ædr biskup stole þa sem vndir hafua leget ok adrer biskupar hafua rettlegha. En ef nokor dirfir sik till þess at gengr a æignir stadaræns i Hamre. ædr næmr firir honum med nokorom hætte. þa skall han slikæ ræfsingh af oss taka sem han hafde misþyrmt konongs dome sialfs vars. ædr oss rangt gort vm varar æignir. Ræidskiota skulu þer ok gera biskupi sem þer hafuer gort adrum biskupum. Sua biodom ver ok allum syslu monnum ok allum adrum þæim oss ero hangengner. at þær biskup fær æi rett sin fenget. þa styrki varer men han med allu mægni till allræ rettra mala ok iamuæll styrki þæir biskups sysluman ok armenn. þer sem þæir kræfuia vara men till fultingis. ok biskupi æda hans monnum værda rettynda syniat. þa later slika ræfstng fyllghia sem sialfuum oss være rett mall syniat. Nu þæir er þessæ vars bodskapar vilia giæta. þa skulu þæir hafua guds vinato ok vara. En þæir skulu bæde hæmfndum ok fianskapp af oss sæta er i mote þuisa ganga. Datum apud Bergis .viij. ydus junii. anno domini .mo cco lxo iijo.
