| 336 | Ældre Bjarkö-Ret. |
oll þau moll er þæir sætia sin a miðli. þau ma æigi riufa. Enn oll þau moll er usætt ero. er þæir coma i tacmærkir. þau a kononngr. þat hæitir tacmærkir. er liggr i böar manna logum.
174 Ef menn lesta scip sitt. þa sculu hasetar biða halfan manað yrcra daga ef bötande er. Enn ef þæir riufa scip fyr. þa rinfa þæir scipan undir styrimanne. þa liggr þæim slict viðr sem logh ero.
175 Ef bulki er bundinn. oc scip or hofn lagt. þa er sa sæcr. fiorom tigu marca. er fyrst ryfr scipann unndir styrimanne. Enn þo at hann riufi fyrr enn full scipat se. oc hæuir hann fott sin a. en hinna huær. þrim morcnm. er siðan gænngr af til þess er scip er ufört fyrir liðs sacar. Enn ænngu ero þæir sæckir. er siðan gannga af.
176 Berg vorð scal hæuia upp i stamne framme. oc fara aftr at scipi a stiornborða. fæsti oc fæstar vorð scal hæfia við siglu. annar er sa sitr. en annar sa er spænnir. oc föra aftr at scipi a stiornborða.
177 Hafnar anstr scal hæfiasc a bulcabrun. oc fara framm at scipi. Siglinngar austr. oc ra vorð scal hæfiasc a siglu a bacborða. oc fara framm at scipi. annar sa er sitr. enn …
