| 256 | Ældre |
11 Sá er .v. settareiðr ef maðr brennir naust manns oc scip .vj. ært eða meira. svá oc ef hann brýtr eða höggr hvar er hann hittir. En ef hann gengr við at hann brennir eða höggr eða brýtr. þá bióði hann þeim er átti verð fyrir. eða fari útlagr. En ef[1] maðr brýtr leiðangrsscip til þess er mercr scaði er á. þá er lýritar eiðr ef hann syniar. en útlagr ef hann er saðr at. En ef meira er en mercr scaði. þá se settareiðr. eða útlegð ef hann verðr sannr at. En svá scal settareið vinna. við niðri kirkiu scal standa oc hafa sallter í hendi ser oc þar vinna eiðinn. oc nemna scal haullda .vj. til settareiðs. eða böndr hina bestu ef eigi eru haulldar til. Sacaráberi scal nemna hálfa vátta. en veriandi hálfa oc hafa einn or þeim .vj. en annann nánasta nið. siálfr hinn þriði oc .iij. aðrir friálsir menn. þeir er kunnu hyggia bæði fyrir orði oc eiði.
12 Sá er .vj. settareiðr ef maðr brennir heylað manns utangarðs. eða spillir lassi eða lassi meira. oc eigi ván at allr bör gangi upp.
13 Sá er hinn .vij. settareiðr ef maðr slær upp fyrir manni .v. mæla sáð eða .v. meira. þá er sá útlagr ef hann verðr sannr at. eða gialldi verð þeim er átti svá sem menn meta. en ef hann syniar. þá halldi hann npp settareiði eða fari útlagr.
14 Sá er hinn átti settareiðr. ef manni er þat kent at hann ráði[2] manna[3] morð eða í griðum.
15 Ef maðr hittir föt sín í durum utar. eða hvar er hann hittir innan hús eða utan úhullt. oc svá utangarðs eða innan úhullt. þá er lýritar eiðr. ef sá vill kenna er á. en ef grafit er í ellds[4] gólfi eða hullt. þá er þræll þiófr. nema búandi vili sveria fyrir hann lýritar eið.
16 Ef maðr hittir föt sín í löðu eða í hiálmi eða viðkesti. þar er utan má í stinga. þá er þar lýritareiðr. en ef unðir laði annattveggia í hiálmi eða undir vidkesti. þar
- Jvfr. Cap. 15. 16. G. 255.
- ↑ I Texten: settareidr
