| 174 | Ældre |
En ef hann dular er fyrer söc er. leiði fram vátta .ij. á þingi at hann spurði eigi fyrr. En ef þat er kent búanda eða búanda syne. oc býr hann búi sínu. þá er svá mællt at bú hans scal varða taki fyrer hann þann mánað er hinn söc á. en siálfsagt or[1] siðan. En hinn eigi fyrerfaret mále síno at helldr er sócn á. söci sem fyrr var upptalt. oc hafi sócn innan .xij. mánaða ef hann er innan lands. elligar fyrerfaret máli síno.
55 (liij.) Ef þræll manns recr til lausnar at leysa sic. þá scal eigi gefa honum frelsi fyrr en hafi hann hálfgolldit verð sitt. En ef fyrr gefr þá scal engi maðr útlægiaz á honum nema hinn einn[2] er frelse gaf honum.
56 (liiij.) Ef maðr er veginn í heraði oc veit engi hvárt hann er friáls eða þræll. þá scal þó ör fara. nú ef scapdróttinn hans kemr á fyrsta þingi. þá scal hann nióta vitnis síns. hvárt hann er friáls eda þræll. En ef hann gerer hann at friálsum manne. þá scal bane fara útlagr. En búandum liggi ecki við nema þeir ali hann siðan. Nú kemr scapdróttinn hans eigi á fyrsta þingi. þá[3] scal þat [vera hans[4] fyrsta þing er hann má til coma. oc nióta þar alls vitnis síns sem á fyrsta þingi. En ef hann gerer hann þá at friálsum manne. þá ferr bane útlagr. En ef hann verðr at þræli. þá scal meta hann oc giallda verð oc öfundar bót þeim er átti. En ef maðr ferr or fylki því er hann á heimili í. oc lýstr mann í öðro fylki eða særer. þá fare sacar ábere oc stemni honum þing í þat fylki sem hann fécc óvæni í innan hálfsmánaðar síðan er hann ferr. oc hafa med ser svá marga menn sem hann vill til þingstemnu. en þat þing se at iamfullu sem þat væri samdögris. En ef Útþrönder eiga[5] við at sciptaz um þat mál oc ero or síno fylki hvárir. þa stemni sacar áberi þing um nætr .vij. oc svá ef Innþröndir eigu við at sciptaz. þá fare þat mál sem áðr var talit. En ef Útþröndir eigo við at sciptaz oc Innþrönder. þá scal þing stemna um hálfan mánað. En ef þeir menn eigo vid at sciptaz er innan fiarðar ero. oc aðrer utan fiarðar menn. þá scal stemna þing um mánað oc innan laga várra. En ef þeir menn eigo við at sciptaz er utan fiarðar ero oc innan fylkis. þá scal stemna þing um hálfan mánað. en ef þeir menn eigo við at sciptaz er or síno fylki ero hvárer hvergi langt er ámeðal er innan laga várra oc utan fiarðar. þá scal stemna þing um mánað.
57 (lv.) Ef ármaðr er lostenn eda veginn at kirkiu eða at samcundu eða á þingi. þá verðr maðr útlagr af honum sem af öðrum manne. en hvervitna annars staðar
