| 94 | Ældre |
280 Nv kaupir maðr iorð. oc scal hann aptr leysa er a. a hverium degi sem hann vill. þa scal hann segia hanom holfum manaðe firi þorsdag i pasca vicu. at hann mege sér aura nyta þat sumar. Leysir hann iorð aptr efter fardaga. þa scal hinn hava bæðe aura oc leigu.
281 Nu vill maðr oðal sitt brigða. oc er sa utan laga várra er hond hever at iorðu. æða utan landz. þa scal hann fara a fund hans oc stemna hanom með vátta til iarðar. oc fara a iorð siðan. oc setia þar dóm sinn. oc kveðia hann iarðar iamt sem hinn þar være. oc leiða arova sina þar. oc oll vitni. sem hinn þar være.
282 Nv skipta bröðr tveir oðrlom sin a milli. þa scal þingat hverva i þa kvisl oðol. sem loten ero bæðe at boðom oc at abuð. bioða þvi at eins i aðra kvisl ef þa söker þrot. æða aldauða arfr verðe. En eigi skiliasc oðol með þeim at helldr fyrr en hvártveggia ma eiga dottor annars.
283 Nu vill maðr mala iorð sina brigða. þa scal hann segia hanom firi holfom manaðe þorsdag i pasca viku. oc fara þa a iorð oc setia dom sinn halvan við hinn. oc niota þar vatta sinna. hvessu micla aura hinn a i þeirri iorðu. þa scal hann þa aura reiða nema hinum bere vitni til meiri aura. Nu ef hann sva brigðir. þa raðe hann sialfr firi iorðu sinni. En ef hann siðarr brigðr. oc brigðr þo fyrr en arðr se skotenn i iorð. oc se þat eigi vela verc. þa oðrlasc hann leigu en hinn abuð. En ef hann enn siðarr brigðir. þa hever hann bæðe iorð oc aura uleigis þa .xii. manaðr.
284 Nv vill maðr stefnu iorð sina brigða. þa scal hann segia hanom firi of haust með vatta tva. hann ma bæðe senn gera ef hann vill. oc stefna hanom til auratocu þorsdag i pascavicu a iorð þa er þeir deila um. Nu koma þeir þar. þa scal hann setia niðr dom sinn. oc niota vatta sinna hvessu micla aura hinn a i þeirri iorðu. þa scal hann þa reiða nema hinum bere vitni til meiri aura. þa scal hann vatta hava at. er at þeirri stemnu kemr er hann a iorð sina aptr at leysa.
285 Nu scal sva undan frendkonom at somu brigða. þeim er sva nanar ero at frendseme. at eigi ma oðals dula. En hon ma þvi svara at þat er hvárskes ockart oðal. þat ero fong frenda occarra. oc scal sia iorð fylgia aurum. en eigi oðrlom. þa scal hann niota vatta sinna a dome þeim. er hann iorð brigðr at. at su iorð a oðrlom at fylgia en eigi aurum. hon scal oc sinna vatta niota þar. ef hon hever til.
