bonde. Arne prestr. Loden prestr. Halluardr prestr Stecla. Þostæin j Tuneimmi.[1] Eindridi rædesmanz son. Pall Suri. Jwar Andresar son a Leini. Markus Eindrida son skuadru ok aller bꝍndr af Vedradalenom varo ok her vidr næmfndir ok kuadozst þeir fyr skolu falla huer vm annan en þeir leta af þesso sem þa var boret ok þeirra fædr hafdu adr tint ok talt firir þeim.
Þetta landamære hafua Jæmtar ok Hælsingiar halldet sidan londen varo bygd ok þæir golldet firir huarer sem a hafua genget. hæfuer landamære nordr a Finmork or Raudabergi ok taumburdr eptir kilenom sudr sua at halfuer kiollren liggr veftr till Gioduikr en halfuer till Kafnasill ok sua sudr æftir kilenom mellim Rafunda ok Anga(r)mannalandz at halfuer kiolren liggr till huars rikissens ok sua sudr j Murubek. þædan taumburdr ok sudr j . . . . la[2] holma firir austan Bodsio. sua sudr taumburdr j Myklaholm er liggr i Hafra, þædan taumburdr ok sudr j Fiællz eid a Hoe þædan taumburd(r) ok suðr j Mauro os tveim rastum firir austan Ælfuar[3] os. þædan ok j ana Maulungh ok æftir anne sudr j vatnet Maulung ok taumburd(r) sudr ifuir Malung ok sudr i Siks os ok sua j Himsio.[4] þædan taumburdr ok j Amsa frengnn. þædan j Raudam . . a[5] þædan j Kiisberg þædan taumburdr ok sudr j Þrondarklætt. þædan j Trollagrof sudr vidr ælfui.
Sua bar Þordr j Trosavik vitni ok .xij. ellimenn med honum at Noregs menn bygdu fyrstunni Heriardal med þeim atburd at madr het Heriulfuer hornbriotr. hann var merkismadr Halfdanar konongs suarta. hann vard firir konongs reidi ok flydi austr i Sviariki[6] till Anundar konongs. var þar væl med honum tekin en þo missfæll honum sua at hann lagdezt med frenkono konongs þeirri er Hælga het ok flydi aftr vestr j Noregs kon(on)gs riki j dall þan er þa var alaudr er nu er kalladr Heriardall. Þa settuzst þau Hælga ok bygd gerdu þar sem nu heita Sliarosvellir. þeirra son var Hakon valr. hans son Frode. hans son Herlaugr hornstigi. hans son Þorer droge hans son Þorbiorn makarkalfuer. hans son Þorbiorn gamle. son hans Dagr. hans son Liotr er fyrst let gera kirkiu j Heriardall. hans son Þorallde. hans son Rafn. hans (son) Eilifuer tæppimadr. hans son Biorn. hans son Þordr. hans son Hafþorer. hans son Asulfuer.
Þetta landamære er mellim Jæmtalandz ok Finmarkar ok Hælsingalandz. vestr or Lenglings lidum ok sua no(r)dr till Straums. eigu þa Jæmtar nordr a Finmork fra Straumi .xix. rastir at veida dyr ok ikorna ok gengr sua austr landamæret mote Angrmannalande. tækr till þar sem heitir Veimosior. þædan j Hulsio ok j Kiodsio. þædan ok j Rauda sio. þædan j Hꝍttings sio. þui nest j Hellu sio þædan j Neigar sio. sidan
