Denne siden er godkjent
Hjarta klakar til Is i Barm,
og alt ikring henne sjuknar.
Troll-Kokke.
Eg trollar Ørske paa svikne Møy,
der Barne ho eid i Skjole;
ho løyner det burt, ho læt det døy;
so fær me Steik til Joli.
Halvnaki Trollkjering.
Paa Viddi med meg flyg tryllte Gut,
til Hold og Heile blotnar;
sistpaa sìt han i einsleg Sut
med Reivar um Arm og rotnar.
Brille-Kjering.
Eg vil at Live visnar i Knupp;
daa skal me snart oss hevja;
eg vekte Kvinna or Svevnen upp
og lærde henne krevja.
No gjeng ho sterk sin Krevjarveg;
ut vil ho allting teige;
og berre daa vil ho gifte seg,
naar Mannen vil Borni eige.