Det nye Testamentet (1886)/Juleevangeliet

Evangelium paa Christi Fødselsdag av Lukas, oversatt av Matias Skard

 Men det hende seg i dei Dagom, at det gjekk ut eit Bodord fraa Keisar Augustus, at heile Heimen skulde verta innskriven i Manntal.
² Denne fyrste Innskriving vart gjord, den Tid Kvirinius var Landshovding i Syria.
³ Og alle gjekk og skulde innskriva seg, kvar til sin eigen By.
⁴ Men Josef gjekk og upp fraa Galilæa, fraa Byen Nazaret, til Judea, til Davids By, som heiter Betlehem, (avdi han var av Davids Hus og Ætt),
⁵ og skulde innskriva seg med Maria si Festarmøy, som var med Barn.
⁶ Men det hende seg, medan dei var der, daa vart Tidi fullkomi, at ho skulde føda;
⁷ og ho fødde sin Son, den fyrstefødde, og sveipte honom og lagde honom i ei Krubba; for der var ikkje Rom aat deim i Herbyrget.
⁸ Og der var Hyrdingar der i Grendi, som var ute paa Marki og gjætte Fenaden sin um Natti.
⁹ Og sjaa, Herrens Engel stod hjaa deim, og Herrens Klaarleike lyste umkring deim, og dei vart storlege redde.
¹⁰ Og Engelen sagde til deim: „Vere ikkje redde; for sjaa, eg forkynner dykker ei stor Gleda, som skal timast alt Folket;
¹¹ for idag er dykker ein Frelsar fødd, som er Kristus Herren, i Davids By.
¹² Og dette skulo de hava til Merke: de vilja finna eit Barn sveipt, liggjande i ei Krubba.“
¹³ Og samstundes var der med Engelen ein himmelsk Herskare, som lovade Gud og sagde:
¹⁴ „Æra vere Gud i det Høgste og Fred paa Jordi og Hugnad med Menneskjom!“
¹⁵ Og det hende seg, daa Englarne foor ifraa deim til Himmels, sagde desse Hyrdingfolk til kvarandre: „Lat oss daa ganga til Betlehem, og sjaa denne Ting, som heve hendt, og som Herren kunngjorde oss.“
¹⁶ Og dei stundade seg og kom og fann Maria og Josef, og Barnet liggjande i Krubba.
¹⁷ Men daa dei saag det, fortalde dei um det Ord, som var talat til deim um dette Barnet.
¹⁸ Og alle dei, som høyrde det, undrade seg yver det, som Hyrdingarne talade til deim.
¹⁹ Men Maria gjøymde alle desse Ord og grundade paa deim i sitt Hjarta.
²⁰ Og Hyrdingarne vende atter og prisade og lovade Gud fyre alt det, dei hadde høyrt og seet, so som det var talat til deim.