koronanner ollum adrum iamfnan oskaddom sem kirkiunne til höyra oc ero i landz laghum oc werndar brefuom, oc medan nokor ma oc scal after koma med loghligre arf til konungens. En ef eighi fintz þann þa hafue erchibyskupr oc byscupar med annarra gafugra oc skynsamra manna rikesens þeirra sem liota sculu fyrsta oc mesta raustir j kosnengom þes sem þeir wita nytsamlighen wera rikino &c.
En herra konungen gaf wp firir sik oc sina erfuingia oc eftirkomanda einlifligha alt wald oc tilkald ef han hafuer nokott haft her til, höyra æder profua æder orskurd weita þeirra mala sem til kirkiunne höyra, firirbiodhande ollum fastligha syslomonnum oc loghmonnum konunganna. sua nære som fierre wærandom oc widerkomandom vm alt rikit ath þeir dirfuitz eighi döma vm nokor þau maal ne luti sik nokorskyns (i) þau af fyrnsku nockra væniu er konungar e hafua haft æder, synatz hafua haft fyrmeir, Heller sculu þeskyns maal vm kirkiunnar domara frialsligha skipas oc skiras hædhan j fra.[1] Sua som ero þesso, oll clerka maal þa er þeir þretta sin j mellom æder þeir sökiatz af leikmonnum, Vm hionskap oc huarsu huar er geten loghligha Wm kirkio frielse vm þiundar Wm heit Vm skipan er men göra a sidharsta daghum firir saal sina alra helzt en þeir gefua kirkium æder helghum stadhum æder klaustrum Værnd pelagrima þeirra som witia stadh hins helgha Olafs oc annarra byskupsstola j Norighe oc þeirra maal Sua þet sama maal kirkiunna eighna, Vm bantzwerk Wm meinsuöre vm okr oc þer sem sældir æro andalighi lutir. æder köyptir Vm willor æder wantru Wm frillolifnadh Vm hardoma. oc frænsæmis spield oc annur maal þuilik þau þem til kirkiunnar höyra ath hennar rætte &c. oskaddom jempnan konungsens rettindom j þeim malom huaruetna þer sem af wælprofuadhe wæniu æder landz laghum a konunge gieldaz firir sælt(!) &c.
Item iattadhe herra konungen oc bawdh fastligha ath göymas ath jempnen se erchebyskupi oc byskupom lofuat ath gifua oc skipa sömeligha lerda men sua j þeim capellum sem konungar hafua wp latit göra æder sina eghnir til gefuit sem j ardhrum kirkiom oc capellum sins erchibyskupsriki(s) vten alla leighmanna samþycht eder presentan.
Item iattadhe herra konungen ath einki wold konungs æder annarra wæroldz höfdingia lutiz j kosning byskupa æder abota Nidroos erchibyskups rikis heldir skipitz
- ↑ Nedenunder, med Henviisningstegn: Vm þessa maal scal kirkian döma.
