27 xxvij. En vm utroðr fatökra manna þa skal su miskunn a vera. at þeir mænn er sitia i sulltz husi oc færa bufe eiga en tuau skylldar hiun bui vm ku eða kugilldi oc fiska þeir þat sem þeir nöyta eptir a þeim dagum er silldfiski er eigi[2] löyfð. þa sekiazt þeir eigi. en ecki til salu ne hirðzslu. En ef þeir fiska er meira bu eigu eða værðr frammar[3] fiskt en nu er löypt. þa liggr laga sækt viðr. En huær þeirra manna er silld fiskir með löyfi a þessom dagum þa greiði huerf[4] af lest[5] huærri vm tiund fram sem mællt er oc take með þui styri maðr huær oc skipti halfu fatökum monnum en halfu til kirkiu þeirrar er fiskt er at[6] i kirkiu soknenne eða giallde slikt sem annat verk vynni þeir a þeim degi. En a meðal dogum i iolum þa laðe mænn silld a skipp oc flyti oc upp festi ef [goruer eru teinar oc[7] aðr til bunir. En eigi hoggui mænn þa teina efni[8] ne til gere nema seckiazt uili oc eigi hialluið.[9] þessor verk skal þo eigi længr vinna[10] en til mið dags. en silld ma flytia allan dagh.
28 xxviij. Ef[12] maðr værðr funnin a verki einum huerium degi þeirra er non hælgr er firir eða messo æptne.[13] þa giallde .vj. aura. Slikt hitt sama ef maðr etr tuimælis þa er hann skilldi fasta firir þeim dagum þa giallde .vj. aura. Oc sua anauðigr maðr ef hann yrkir at bonda raðe. En ef hann yrkir at sinu raðe giallde drotten hans .iij. aura. eða þræll late huð sina. Alla aðra messo æptna[14] ma[15] vinna til netr. En ef maðr vinnr þa messo daga þa giallde hann .iij. aura oc sua ef freals maðr etr tuimæles þa [oc var fasta boðen firir. En sa er þa etr tuimæles[16] er hann skilldi fasta eða vinnr a hælgum tiðum oc kom eigi[17] kross til garðz honum þa stande hann firir með eins eiði at hann uissi eigi til sanz at heilagt var eða fastu dagr oc vere[18] sykn saka eða giallde sekt eptir þui sem dagr er til.
29 xxix. Ef prestr eða armaðr kuazt[20] hafa staðet mann a verki a einhuærium þeirra daga er heilagr er[21] þa sueri hann einn vndan ef hann syniar eða giallde [viti slikt[22] sem uiðr liggr. En prestr huer skal sökia viti oc sealfr hafa þat sem hann sker kross til. En ef prestr eða armaðr stendr eigi[23] mann a verki. þa skal með þesso heimilis[24] kuiðiar vitni sökia at[25] einn skal bera[26] en .ij. sanna vm .iij.
- ↑ fatökra manna — B. Ingen Cap.-Afdeling eller Overskr. i A., kun i Af. ny Linje. Overskr. mgl. S.
- ↑ eigi — mgl. A.
- ↑ frekara — A. S.
- ↑ hverr — Ab. c. d. f. þeir — Ae.
- ↑ lest — mgl. S.
- ↑ at — mgl. A. S.
- ↑ [tæinar ero — A. S.
- ↑ efni — mgl. A.
- ↑ hialm viðr — S.
- ↑ vinnazst — S.
- ↑ Vm silldfiski ok leyfi Pafans ok Eysteins ærkibiscops. — Overskr. (feilagtig) Ac. d. e.
- ↑ frials - tilf. A. S
- ↑ aptni — A. æftæn — S.
- ↑ aptna — A.
- ↑ cna a — A.
- ↑ [ mgl. A.
- ↑ eigi — mgl S.
- ↑ se — A. S.
- ↑ Overskr. mgl. S.
- ↑ fuezt — A. B. S.
- ↑ latinn — tilf. A.
- ↑ [sekt slika — A.
- ↑ eigi — mgl. A.
- ↑ heímis — Ab. f. Rettet dertil af Arne M. i Ad.
- ↑ at — mgl. A. S.
- ↑ a — tilf. S.
