Side:Stjórn.djvu/17

STJORN. Her hefr vpp prologum eptir fyrirsogn virðuligs herra Haconar konungs.

Sa er haattr ok unni keisaralighs ualldz ok konungs gards slekt. at hafua þrena einkannligh ok heimðligh herbergi. Hit fyrsta hans^[1] herbergi er þat i huerin er hann sitr upp aa raad edr stefnur ok dęmir logh oh rettiedi manna i millum. Annat er þat sem hann eir i ok neitir sinum monnum ueizlur. Hit þridia hans herbergi er þat sem hann hefir ser til keimoligra naada ok hann sefr i. Vpp aa þenna haatt hefir uaarr konungr. sa sem stiornar medr sialfs sins^[2] ualldi vindum ok veralldar sio. þenna heim fyrir þat herbergi i hueriu er hann hefir sin rsd ok rędnr ok skipar maalam manna. huar er allir lutir skipaz eptir hans ualldi ok uilie. Af þessu kallaz hann sem hann er uaarr herra. huadan af er Dauid segir i psalminum. Vaars herra er iordin ok oll hennar fylling. Avnd ok hiarta huers sem eins rettlatx manz kefuir hann ser sua sem til naadahus ok heimolligrar huilldar. þaiat mikill lystughleiki er honum at uera sętliga medr sonum mannanna. sua sem skrifat er. af huerre samuern ok sętre huilld er hann kallaz brudgami. Heilaga skript ok rauksamliga ritning hefir hann ser til þeirrar hallar ok heimoliga herbergis sem hann ueitir i. i huerre er hann giorir sina menn þzleidis auloda. at þar af skapaz þeir hofsamir. Husr af er sua segiz i psalterinu. Medr samþycki gengum^[3] ver i guds husi. þat er sua at undirstanda. at i heilagri ritningu skildum ver allir hinn sama lut medr einu samþycki. af huerre grein er hann kallazt husbondi. þetta sama herbergi heilogh guds ritning hefir þrennar greiuir eda haalflir. þat er grunduoll uegg ok þekiu. Sagan sialf er grnnduollr þessa heimoliga guds huss ok herberghis. Su skyring af heilagri skript sem segir huat er huert verkit i sanghunni hefir at merkia er hinn hęrri ueggrina. En su þydingin^[4] er

1. konungs, B
2. hans, B
3. gongum, B
4. þydingh, B