Side:Stjórn.djvu/161

Fra Wikikilden
Denne siden er ikke korrekturlest

pakinn eigi minnz ok rugladiz af hans .xl. daga fòstu. at han uissi at aa sua mòrgum dògum helltuz undirdiupsins uòln upp yfir iordina henni til breinsanar i Noa flodi. ok aa sua mòrgum dògum uar Moyses i fiallinu þann time sem gud gaf honum sitt logmal. sem siðarr man sagt uerða. ok at aa sua mòrgum gògum uar fyriheitz land spæial[1] ok rannsakat. adr enn Jsraels folk kięmi þar. ok enn þar medr uissi hann. at þat sama folk aa sua morgum áárum føddiz ok lifdi uidr engla miòl i eydimòrkinni. Nu sem hann fann þa likasins ustyrkt á uárum herra. at hann tok at hungra. huat er huarki er lesit af Moyse ne Helia þann tima sem þeir fastadu. þa kom hann til þess freistandi. at hann fengi hann medr nockurum suikum ok syndakyni felldan. ok at haan villdi[2] fyrir þa sauk skoða[3] nu enn af nyiu ok uiss uerda. huart er hann uæri guds sun edr eigi. at hann hafdi guds ròdd heyrt yfir hann i skirninni komandi ok sua segiandi. þersi er minn elskuligr sun. huern er hann uissi fulluliga fyrir at koma mundi. ok at hanu mundi fyrir þann sama sinu drottnanar ualldi fyrirtapa ok tyna. Grogorius in omilia. Ok fyrir þi kom hann freistandi sealfs hans medr þeim þrennum greinum.[4] huerium er hann freistadi hins fyrsta forfedrs[5] uars Adam ok felldi hann. þat uar medr ofneytzlu. med hegoma dyrð ok i þridiu deilld meðr yfirgirnd edr égirni. Af ofneytzlu freistadi han Adams. sua sem hann téði honum fædi fyrirbodins ok bannads tréss. ok eggiadi hann til at eta þar af. Af hegoma dyrd freistadi han hans þann tima sem hann sagdi sua til Adams. ok manut þit þa sua sem gud uera. Af agirndar framfærni edr yfirgirnd einkannliga til tignar ok ofinelnaðar mektar freistadi hann. þa er hann sagdi sua. uilandi badi[6] gott ok illt.

 Nu er uær uilium skynsamligha skoda ok skilia medr huilikri skipan ok grein er guds sunar uar freistat. þa megum uęr uissuliga uita ok hiartaliga uirda medr huilikum miskunnar mikilleik[7] uer erum af fiandans freistnanum frealsadir. þiat eptir þi sem harðla tilheyriligt ok uidrkuæmiligt uar frealsadi han oss ok aa sòmu leid uarar freistnanir medr sinum freistnanum. sem hann sigradi uárn dauda medr sealfs sins dauds. sem um rid uar sagt. Ok fyrir þi kom freistarinn eptir fyrr sagda sealfs hans .xl. daga fòstu freistandi hans i fyrstu sua sem Adams af ofneytzlunni. prouandi ef hann fengi medr nockurum ofneytzlunnar fleck hana felldan. berandi honum medr sér steina. ok sua segiandi til þers at hann skylldi af uanstilltri fædunnar fysi sigradr uerda. sem hann hungradr sæi braudit fyrir sér. Ef þu ert guds sun sagdi hann. þa

  1. speial, B
  2. tilf. B
  3. saal. B; skodandi, A
  4. meðr tilf. B
  5. saal. ogs. B
  6. beði, B
  7. milldloik, B