Item iattadhe herra konungen huariom einom lerdom manne þessara byskups stola huart som þeir æro j hæradhe æder kaupstadhom ath þeir sculu frialser vera af leidangre. med andrum .ij. monnum af sino hyski oc ein af hans þionosto monnum þeim sem han seer nytsamlighin wara scal friels wara af konungs leidhangers ferdom &c.
Item vm þiundagerdir yfuir ofuer(!) alt Norighe vtan Hamars byskups döme Raumarike oc Soolyar ath men sculu þessa þiund göra af ga(r)dzleighum olgagnum milnum badstofuum braudhofnom skogharleighum. saltketlom. nætium oc notom. sua ath þenn som byggir þessa luti göre tiond oskerda af leighonne en hin er leigir seer til afla taki fyrst af alt þet er han leggir til oc kostar oc þiunde sidhan af afla sinom. en af skipleighom göretz med þeim hætti ath sidhan skipit er fulgiort med sæghl oc adhru reidhe j fyrstu ferd göretz þiund af þueimer lutum leighonnar oc jempnan sidhan æn þridhiungar leggiz oc(!) vmbotar reidha aa skipino. Af hwsleighum ollum göretz þiund .v. peninga weghnar. Af leigho ku oc huario malnytto kyrlaghi göri þann som tæker leighona .v. peninga weghna þer j sokn som bygd ær. Æn osta tiund göretz firir widerældi af þeirra(!) miolk som werder a fredagen firir Ions messo. En af þui bui sem men hafua ser til nytto, sua ath þe biggia eighi greidhis ost af einni dagx miolk sem werder friadaghen nest firir Olafs woku fyrri. En af annars daghx miolk alre er werder a friadagh firir Iohannis göretz oostr firir wider ældi. Item scal göratz þiundr ollar af saudhum ollum oc af allo aldini storo oc sma &c. Item af sadhe allu rugh oc hweiti. hampi oc lini. ertrom oc næpom. skreidh oc siæll. huall oc hakellinga. lysi alskonar fiska tiund &c. Item af weidhiskap ollum. Af salte af quernberghi. Af kaupöyri oc alskona vinnu afla oc smidar. Af þiæru huar .xx. asker. af jerne .xxta. huart pund Sequitur. Ef nokon æfuan werder yfuer nockrom luta þessa greina som j þesso þættargerd æro. þa scal til kiosa ein af konunge oc annar erchibyskupi þet ath greina. Oc ef þeim sæmer ey kiose til þen tridhia med sik, oc þet scal standa som þeir aller æder þueimer þeira werder wtskyrt.
Deinde sequitur juramentum pro utraque parte quod ia composicione perpetuo maneat et firmiter teneatur.
