innsigli. [herra erchibyskup sitt[1]. byskupar ok baronar [sin innsigli[2] ok capitule[3] sin innsigli. var þetta bref gert i Tunsbergi a þeim degi ok aari[4] sem fyrr segir. á xiiijda aari rikis[5] Magnusar konung. ok aa tiunda aari[6] byrskupsdömiss herra Jons erchibyskups.
Þatt se ollum monnum kunnikt at þæssar skipanir gærdozt millum annara luta i Tunsberghi þa er lidnir varo fra burd vars herra Ihesu Christi .M. vettra .cc. vettra oc .lxx. vettra(!) millum rikisens oc heilagrar kirkiu. um þau mall er höyra till hæilagrar kirkiu vmdömes oc tiundar gærdir. Sua uar þa med rade oc samþykt a gort herra Magnus konungs oc uirdulegs herra Jons ærkibyskups oc annara byskupa baruna rikisens korsbrædra oc annara godra manna er þa varo i nand skipat oc statt um allan Noregh at oll þessor mall skulu frialslega dömazt hedan af oc skipazt um byscupa eda þeira vmbodsmen sæm her fylgia. oll klerka mall þau er þeir þrætta sin i millum eda sökiazt af leikmonnum. um iunskap(!) oc huorso huar er geten. um kirkna frialse. um tiundar gerdir oc hæitt. um skipan er men gera i sidastom daghum sinum firir sall sina allra hællzt er þeir gefa kirkium oc helghom monnum eda klaustrum. um uærnd pelagrima þeirra sæm uithia stadar hins helga Olafs konungs oc annara byscups stola i Noreghe oc þeira mall. Sua hitt sama um mall kirkna æigna um banzuerk oc meinsėre. um oker. oc þer sæm selldir ero andleghir lutir. vm uillu oc um vantru. vm frillu lifui. hordoma frendsæmi spiell oc annur mall þuilik þau sem till kirkiunnar höyra at hennar rette. skulu þesser(!) mall sem nu ero upp lalld hedan i fra æftir þui sem brefet oc loghboken (vatta?) dömazt firir kirkiunnar domara oc æigi skiotazt undir leikmanna dom.
Ath herra erchibyskupen med radhe oc samþykt koorsbrödhra sinna vnder nampne Nidhroos kirkiu, gaf wp firir sik æueligha oc sina eftirkomanda alt þet wald oc akald er han hfde æder hafua matte J kosnengom konunganna j Norighe vndergiof offran
