| og Forordninger. | 459 |
Kong Haakon Haakonssöns Retterbod om Tiende
og Olafs-Skot.Eftér Perg. Cod. No. 309 fol. i den arnamagn. Saml.; med Haand fra 1325, der og har tilföiet arabiske Marginaltal, see ovenfor S. 444.
Hakon konongr sonær Hakonar konongs sændir lærdom ok vlærdom. bondom ok buþeghnum ok alre alþydu i Vikinni quædiu guds ok sina. Forn rek ero till þæss ok gudlegh skipan. ok hæilaghræ mannæ sæthninghar vatta bæde þæiræ er i onduærdo hæimsæns varo. ok sua þæira er æftir þa komo at huær kristin madær a at gera rethlegha tiund stna af allum rettom aflæ þæim sæm gud leer mannenom þæssæ hæims. till þæs at han skall þær med kaupæ ser hin tiund luten i himiriki er madræn var i fyrstunni till skapadær. ok sidan i fra spærdær med fiandæns a eggiann. ok er sa sæll er þæt gerer med goduilia. en hin uesall er þæt vanar. Sua mæltom ver ok fyrmæir i breuom uarom ok þæt vilium ver at enn stadfastlegha haldez at men ranszake byghdir sinar med skynsamre æftirlæitann. at enghi uerdi firirloghen af rannghum sakar giptum. En þæir men er i hordomom liggia eda mandrapom i mæinæidum i skræcuitnum. eda adrum ferleghom lutum. ok sannyndæ menn vilia æigi suæiriæ firir at þæir se herasz hæfir. firir vlydni sakær. ok sua ero hardnader i syndenne med uillu ok a eggian fiandæns. at þæir uilia ei med idran ok skripta gangh glöpe sina böta. þa skulu böndær a skirla þinghum sinum þa alla leggia namulegha uthlegha ok ogilda firir huærium manne. En ver seighium þa af fe ok frialse. lande ok lausum öyri. fare þæir ok læiti ser lanz annars ef þæir megho þui vidr koma. En ei skulu þæir længhær kristnum spilla ok varo konongs riki. eigi skulu þæir ok longum sua i fridi sitia hedans a fra sæm her till. at þæim se ei refst af vare hende. er at slikum lutum edær vknyttum værdæ stadder. ok skemra skall þæim till hemdra vera en þæim vare sealfæ. Þættæ uar med goduilia dömt af alra manna hennde. ok vndir genget. At æuinlegha madr æftir mann skall gera peningh talen firir kycquendi huert. er bettra þykkir i bui at hafua en on at uera. ok skulu hinir bastu böndær i bygdum uera vidær taku men. ok skipta sua sæm i fyrstunni var mælt. at tuæir lutir fare nordær till kirkiu hans hælghæ Olafs konongs i Þrondhæimi. henne tilt upgerdar. En þridiunghr till hælghæ Haluardær. Nu er þæt bön var ok sua bod at menn gere rökeleghar tiundir sinar sæm fyr uar mælt. Sua ok þæir men er sik vitu sanlegha i storlytum stauda uera. þa gange till skripta sæm skyndilegaste. böte uid gud ok biskup ok prouastæ hans. er han sætær till med ser. ok ser vidær framlæidis at drygia sua likamsens girn. ok hæimsæns högoma. at hann
