Side:Norges gamle Love indtil 1387 Bd. 1 446.jpg

446

Retterböder

5

Kong Haakon Haakonssöns Retterbod om Erkebiskoppens Myntret.

Ved 1220.

Efter Perg. Cod. No. 309 fol. i den arnamagn. Saml., fra 1325.

Bref Hakonar konongs Hakonar sonar.

Hakon konongr son Hakonar konongs sendir quediu Gutthormi ærkibiskupi oc ollum adrum guds uinum. lendom oc lerdom verandom. oc vidr komandom. Eiliflega guds ok sina. Ver uilium ollum monnum kunnikt gera at sialfum oss till salobotar. ok riki varo. oc þegnum till gagns. oe till gifto þessa heims oc annars. hofuum ver iattat af vare hende oc þeira. er loglega verda till lanzenz kosnir æftir oss. stad hins helga Olafs konongs oc Gutthormi ærkibiskupi oc ossum er gudlega verda kosnir æftir han till ærkibiskups namfs oc vinir vilia vera konongdomsens æftir guds loghum oc manna at hafua sylfr slatto man þan sem þar kunni godan hatt a oc þionosto man med honom. huart sem ærkibiskupi syniz ser haglegra at þeir se med myntara varom oc þionosto sueinum. eda i garde sialfs sins. at sla till þyrfta stadar hins helga Olafs konongs stykt sylfer at styrleika oc stinleika sem var vili verdr till. eda annara kononga at gange i Nidarose. Hafuum ver iattat þetta firer þui at ver ætlom at her ^[1] man gudi afuusa a uera oc gangn megi af standa stad hins helga Olafs konongs. oc enghum godom manne till vanhags. þykkiumz ver oc vist vilha at sylfer slatta su. sem ver vilium at gange i landeno varo stande þui heldr med æinord oc godom hætte er slikir guds uinir bindaz heldr vid i radom med oss. Þatt vilium ver oc alla men lata uitha at ærkibiskups stolinn oc allan hans varnad minna. oc meira. ner oc fiarre hafuum ver tækit i vart traust oc fulla vernd. Skulum ver hallda vndir hann odall oc æignir þær sem nu a han. oc han verdr æigande. vm vara dagha. oc oss rettyndi þan sem han hefir haft tiss þessa dags. oc han a at hafua bæde æftir guds loghum oc manna. Engom skulum ver oc lata lyda. at mysþyrma honom. eda afdratt veita hans sömdom. þar sem ver komom varom krafti vid. Nu gud almattuger. oc hin helgi Olafer konongr se þeira vin er þessa stipan vara styrkia. oc hallda med goduilia. En heimoler skulum ver till vera at hegna æftir magni þui sem gud gefer oss huerium þeim er hana ryfr þarflavsu medan gud ann oss lifdaga. Vattar. Pall i Gizka. Gregorius Jons son. Dagfinnr. Meistare Bierne. Peter Bryniulfs son. Aslaker pitlor. Meistare Aslaker. Bardr Barre. Bransteinn. Vilialmer i Torgom. Ivar i Berodale. Gunnar grionbaker.

1. Her har oprindelig staaet i, hvilket dog samtidigt er overstreget.