| og Forordninger. | 439 |
2.
Fundation af Nidaros Erkebiskopsstol ved Pave Anastasius IV.
Mellem 14de November og 2den December 1154.Efter Arne Magnussöns egenhændige Afskrift, i de Bartholinske Samlinger Tom. 4. (E.) S. 150 — 158, af et Transscript, dateret Nidaros 26de Juni 1429.
Aftrykt i Thorkelins Diplomatarium Arnamagnæanum II. p. 3—7.
Anastasius episcopus. seruus seruorum dei. venerabili Fratri Iohanni Trwdensi archiepiscopo eiusque successoribus canonice substituendis in perpetuum. Licet omnibus discipulis eadem ligandi el soluendi sit concessa potestas. licet unum preceptum ad omnes idemlque peruenerit predicandi euangelium omni creature. velut quedam tamen inter eos habita est discrecio dignitatis. et dominicarum ouium curam. que omnibus equaliter imminebat. unus singulariter suscepit habendam dicente ad eum domino. Petre amas me. pasce oues meas. qui eciam inter omnes apostolos principatus nomen obtinuit. et de fratrum confirmacione singulare a domino preceptum accepit. ut in hoc seculture posteritati daretur intelligi. quoniam. quamuis multos ad regimen ecclesie contingeret ordinari. unus tamen solummodo supreme dignitatis locnm fastigiumque teneret. et unus omnibus et potestate iudicandi et gubernandi onere presideret. Unde et secundum hanc formam in ecclesia distinccio seruata est dignitatum. Et sicut in humano corpore pro varietate officiorum diuersa ordinata sunt membra. ita in structura ecclesie ad diuersa ministeria exhibenda diuerse persone in diuersis sunt ordinibus constitute. Aliis enim ad singularnm ecclesiarum. aliis autem ad singularum urbium disposicionem ac regimen ordinatis. constituti sunt in singulis prouinciis alii. quorum prima inter fratres sentencia habeatur. et ad quornm examen subiectarum personarum questiones et negocia referantur. Super omnes autem Romanus pontifex. tanquam Noe in arca. primum locum noscitur obtinere. qui ex collato sibi desuper in apostolorum principe priuilegio de uniuersorum causis iudicat et disponit. et per uniuersum orbem ecclesie filios in Christiane fidei firmitate non desinit confirmare. talem se curans jugiter exhibere qui vocem dominicam videatur audisse. qua dicitur. et tu aliaquando conuersus confirma fratres tuos. Hoc nimirum post beatum Petrum illi apostolici viri. qui per successiones temporum ad gerendam curam sedis apostolice surrexerunt. indesinenti curauerunt studio adimplere. et per uniuersum orbem nunc per se nunc per legatos suos corrigenda corrigere et statuenda statuere summopere studuerunt. Quorum quoque vestigia subsecutus felicis memorie papa Eugenius. antecessor noster. de corrigendis hiis. que in regno Noruegie correccionem videbantur exposcere. et verbo ibi sidei seminando. juxta sui ossicii debitum sollicitus extitit. Et quod per se ipsum uniuersalis ecclesie cura obsistente non potuit. per legatum suum. venerabilem scilicet
