Side:Norges gamle Love indtil 1387 Bd. 1 403.jpg

Eidsivathings-Christenret.

403

þa er æi gor. þa skal at fimt gor vera^[1] ok vighd. En^[2] þa er æi gor þa er bö þæim firi faret. er kirkien stod a. skulu frændr ok odals men löysæ þa iord med gulli ok brændo sylfri. ok allu lasta^[3] lausu fe. böndr skulu til ganga ok meta iordena sua sem þæir þora^[4] suæriæ at hon se værd. værdi skal þriskipta. tækr biscup þridiung. konongr annan en böndr þen þridiæ. En ef sa madr er oræigha er kirkiu a at gera. þa skal iorden^[5] afla fanga til kirkiu vp gerdr. En sidæn skal iorden^[6] afla till vighslu. En sidæn skal han sialfuer vid iardu sinni at taka.^[7] En ef madr sæl vid værdi kirkiu bö sin. ok skill ser kirkiu vp at gera^[8] ef hon fællær nidr. þa skal han sua myclæ iord i væd^[9] sætiæ. sem hin er han sældi. En ef madr er oræigha er þæiri kirkiu a vp at^[10] halda. þa huærnær kirkiæ þeget^[11] sem hon stændr a.

Vm fordædo skap.^[12]

33   Biscups armadr han ma æi koma fordædoskape huarke a karl ne kono. nema þet se heradz flöykt. mælæ^[13] böndr .iij. eda þræm flæiræ. ok bera þæir vitni vm. at þæir hana þet höyrt. En ef han mæler þet. ok er þet æi heradz flöyt. þa er han sæckr .iij. markum. þa ma madr mælæ ef han^[14] tækr a ser eda kono sinni. þo at þet se æi heradz flöyt. eda han tækr a barne sino. eda bui. huart sem han mæler vid karl. ne kono.

Vm hæidin blot.^[15]

34   Engi madr^[16] skal trua a fin eda fordædoskap. blot. eda rot. eda þet sem til hæidins doms væit. En ef madr fær til finnæ. ok verdr han^[17] sannr att þi. þa er han vtlæghr. ok obota madr. ok firi gort fe sino allu. ok skal þi^[18] þriskiptæ. skal konongr taka^[19] þridiung. annan biscup. hin þridiæ böndr. En ef^[20] bydr syn firi. þa skulu böndr þæir [sem bæstir ero^[21] i^[22] herade. bera han vndan.

Vm trol kono.^[23]

35   En ef þet er kiænt kono at hon ridi manne. eda kono hans. eda hionom. ok ef hon verdr son at þui. þa er hon sæk .iij. markum. En ef hon sægir næi firi. [þa (a) hon standa firi .vi.manna æidi.^[24] En ef sa æidr fællær. þa fællær til .iij.marka. En ef æi er fe til. [þa fare hon^[25] vtlægh.

Ef madr vil præst haua.^[26]

36   Ef madr liggr siukr i herade. ok vil han at præstr lese iuir honum. gere hæst mote honum. eda skip. ef þes þarf vid. þa er præstr skyldr at fara til hans. ok lesa

---

Jvfr. Cap. 33. I. 41. Cap. 34. I. 45. Cap. 35. I. 46, Cap. 36. I. 47.

---

1. vera — mgl. D.
2. ef — tilf. D.
3. lastar — D.
4. viliæ — D.
5. iord — D.
6. hon — D.
7. take h. s. v. i. s. aptr — D.
8. En — tilf. D.
9. at — tilf. D.
10. skuldi vppi — D.
11. til þairi jærder — D.
12. Overskr. mgl. D.
13. þet — tilf. D.
14. madr — D.
15. Vm finne. — Overskr. D.
16. madr — mgl. D.
17. han — mgl. D.
18. fe — tilf. D.
19. tæker k. — D.
20. han — tilf. D.
21. [ bæstu — D.
22. þui — tilf. D.
23. ridu. — D.
24. [ syni med settær æidi. — D.
25. [ fare — D.
26. horso prestr skal fara i naudsynir. — Overskr. D.