Side:Norges gamle Love indtil 1387 Bd. 1 376.jpg

Fra Wikikilden
Denne siden er korrekturlest
376 Ældre

kona er ner [sengfor hænnar.[1] þa skal hon syna þat .ij. kalmannum at [þa se barn[2] huarke blat ne bloðegt oc æigi drægill at halse dregen oc æi[3] se hænnar hannda uærk[4] a. [5]En[6] ef hon gerer æi sua. þa ma biscup eða[7] armaðr kiænna henne morð hæiðit. hon skal þess synia mæð lyrittar æiði. mæð frialsum konom .ij.[8] [oc þar skulu menn uera æiða uannder.[9] sua at menn uiti. at þæir uilia[10] i sannum æiðum uera stadder eða uitnisburðum. En ef hon fællz at. þa fællr hænne til iarnburðar. værðr hon[11] æi skir at iarne. þa er hon utlæg. oc skal biscup scrifta henne af lannde brot.[12] oc skal hon sua længi bruttu uera. sem hann[13] scriftar henne.[14] En ef hon kömr aftr i lannd. oc uil hon i lannde uera. þa skal hon giallda biscupi. .iij. mærkr. eu kononge [halft mannz gilldi.[15] oc hæitir þat hæíðíns mannz[16] giolld.

Vm hinna skirn.[17]

4   En kann oc sua[18] at beraz at hion .ij. fara[19] mæð barne sino til [kirkiu at skira[20]. firi þui at þau hafa æi annara manna kost. firi mannfæðezs saker. oc söker sua miok sot a læið at þui barne. at æi ma na preste. [oc ængum[21] aðrum mannum. þa skulu þau skira siolf mæð þæim hætte er fyr [er sagt.[22] hælldr en hæiðit doy. oc[23] þyrmaz uið hiunskap. þar til. er þau finna[24] biscup. oc ma[25] hann þa[26] lofa þælm hiunskap en æi skilia.[27]

Vm oukt[28] liki.[29]

5   En ef sua bers at. at barn er mæð orkymblum alet. ero kaluar a bæinum framan. eða augu i nacka aftan. oc[30] afgu liki[31] alen. oc hafa þau[32] mannz houuð oc manns raust. þau skal[33] ala oc til kirkiu föra. oc skira. [oc föða siðan.[34] oc föra[35] a funnd biscups. oc syna honum barnet. oc gera siðan[36] sem hann læggr rað til.

Vm hærliki.[37]

6   En ef þat barn uærðr alet er hærliki er a. hefer æigi mannz hofuð oc æigi mannz raust. þa ma[38] föra til kirkiu. ef syniz. oc lata prest[39] skira. ef hann uil. oc grafa grof[40] i kirkiu garðe. [oc læggia þar barnet i.[41] oc læggia þar[42] iuir hællu. sem bazst. sua at huarke nae hunndar ne rafnar. oc lata[43] þo æi iorð a falla. fyr en daut er oc lata lifa sua længi sem ma.

  1. ↑ [ mgl. B.
  2. ↑ [ þat b. se — B.
  3. ↑ æingin — B.
  4. ↑ æðr uom — tilf. B.
  5. ↑ .iij. — Overskr. B.
  6. ↑ Nv — B.
  7. ↑ biskups — B.
  8. ↑ .ij. — mgl. B.
  9. ↑ [ Till þeiræ æiða skulu menn uandader uera — B.
  10. ↑ uili — B.
  11. ↑ En ef hon uærðr — B.
  12. ↑ brot — mgl. B.
  13. ↑ biskup — B.
  14. ↑ af lande — tilf. B.
  15. ↑ [ þægngilldi — B.
  16. ↑ morðz — B.
  17. ↑ Ingen Cap. Afd. — B.
  18. ↑ Nv kan sua at — B.
  19. ↑ siollf — tilf. B.
  20. ↑ [ skirnar — B.
  21. ↑ [ ne — B.
  22. ↑ [ sæigir — B.
  23. ↑ skulu þau — tilf. B.
  24. ↑ hitta — B.
  25. ↑ skall — B.
  26. ↑ siðæn — B.
  27. ↑ þau. — tilf. B.
  28. ↑ I Pap. Afskr. (Arne M.s egenh.) No. 77. d. qv. i den arnamagn. Saml. er dette Ord læst: onkt; i Pap. Afskr. i Cod. Reg. 1155. a. fol. oliiki liiki, ald. feilagtigt.
  29. ↑ .iiij. — Overskr. B.
  30. ↑ æðr — B.
  31. ↑ afguðlegha — B.
  32. ↑ hefuer þo — B.
  33. ↑ þa skall þau — B.
  34. ↑ [ mgl. B.
  35. ↑ siðæn — tilf. B.
  36. ↑ æpter þui — tilf. B.
  37. ↑ Ingen Cap. Afd. — B.
  38. ↑ þat — tilf. B.
  39. ↑ late prest sea ok — B.
  40. ↑ grof — mgl. B.
  41. ↑ [ mgl. B.
  42. ↑ siðæn — B.
  43. ↑ late (her og næst ndf.) — B.
Hentet fra «https://no.wikisource.org/w/index.php?title=Side:Norges_gamle_Love_indtil_1387_Bd._1_376.jpg&oldid=171997»