| 238 | Ældre |
6 (v.) Ef maðr á iörð at brigða. þá scal hann hefia brigð sína eptir Michialsmessu um haust. oc hann scal hafa átt sciladóm einn fyrir iól. nema hann megi fleiri hafa. En ef maðr býr á iörðu þeirri er hann á suma siálfr en suma aðrir menn. nú ferr maðr til oc brigðir iörð þá. þá scal hann festa sciladóm[1] fyrir oc nemna heimilldarmann sinn at cvöð. þá scal sá kiósa er cvaddi. hvárt hann vill brigða þann lut einn er hann á. eða bíða þeírrar stemnu at þeir komi til er eigu með honum.
7 (vij.) Hverr maðr er brigð hefr upp. hafi sótt mál sitt á .xij. mánaðum nauðsynialaust. eða hefir hann farit sócn sinni. En hinn scal halldaz við vörn þá .xij. mánaði iamt sem hinn við sócn. svá er oc[2] mællt at lýsa scal iarðarbrigði á .xx. vetrum. oc lýsa innan fylkis þar sem iörð liggr. En ef hinn sitr innanlanðs vetr .xx. at úlýstu. þá á hann eigi brigð til síðan. oc eigi meira af hinum er ceypt hefir iörð þá en lýritar=eíð. þá scal hann sveria svá. at hann er or tryggva vátta ábyrgð. þá á hann engi[3] tiltölu síðan.
8 (viij.) Þann scal cveðia er býr á iörðu. en hann scal festa sciladóm. oc scal at váttum spyria oc heimilldarmann sinn nemna. oc söciandi scal nemna vitni sitt at cvöð ef hann er atspurðr. oc hafa þat vitni fram á fyrsta dómi. En ef hann er atspurðr at vitni. oc nefnir hann eigi. þá scal einscis vitnis nióta. En leysingia[4] vitni scal hann hafa fram á scila dómi oc þá vátta at hann se sýnn at brigðarmanni oc at hans er óðal. En veriandi scal nemna vitni sitt á fyrsta dómi oc hafa fram vitni sitt allt á öðrum dómi. En ef dömendr eru allir á eitt sáttir. þá scal gera stemnu leiglendingi at fara eptir heimilldarmanni[5] sínum. svá lengi sem hann má fara tvívegis til hans oc í frá. oc stemni landsdróttni til at hann veri iörð sína. En ef landsdróttinn er fyrir utan Agðanes. eda fyrir ofan fiall. eða fyrir norðan eið. þá scal gera þeim manni .ij. mánaða stemnu heim at veria iörð sína. ef hann er nöckurr innanlands. En ef hann er utanlands. þá scal bíða hans .xij. mánaði. En þá scal bíða svá hit sömu[6] vitnis manns ef hann er utanlands. Nú scal brigðandi cveðia leiglending þá er hann cemr aptr þó at landsdróttinn siti inni. En ef landsdróttinn vill festa lagadóm. þá scal leiglendingr lauss við vörn. En ef landsdróttinn vill eigi festa lagadóm. þá scal leiglendingr festa. en söciandi scal leggia dóm á fimm nátta fresti í dómslað réttum. Þá sculu þeir þann dóm söcia. En ef landsdróttinn
- Jvfr. Cap. 6-8. G. 265-269.
