Side:Norges gamle Love indtil 1387 Bd. 1 199.jpg

Fra Wikikilden
Denne siden er korrekturlest
Frostathings-Lov. (VII.) 199

þá er hann secr .iij. mörcum ef hann er saðr at. oc gere naust annat iamngótt. En ef hann syniar þá er lýritar eiðr uppi.

Um reiða föng.

4   Böndr sculo fá reip til scips. en ef missir stags. þá liggia við aurar .xij. En við dragreip hvert hálf mörc. en við actaum hvárntveggia hálf mörc. en við stöðeng hvárntveggia .iij. aurar. oc .iij. við höfuðbendu hveria. En við scautreip[1] hvárttveggia .ij. aurar. en eyrir við hefil hvern er scortir. oc eyrir við svipting hvern til þess er kemr í .vj. sviptunga. en hanca giölld i gerð verða alldri meire en .vj. aurar. oc eyrir liggr við sviptung hvern.

Um segl.[2]

5   En ef segl er eigi fengit at þeirri stemnu er mællt er. þá scal giallda aura .vj. í gerð hverri. en ef einnar váðar missir. þá er sá maðr secr .vj. aurum. oc .vj. aurum þó at öll gerð falli niðr. En .iij. aurar liggia við siglutré oc .iij. aurar við rá. oc .iij. við ás. oc .iij. aurar við þat ef maðr cauper eigi lut sinn i ackeri. en .xij. aurar við allt ackeri. en scip scal i söcua liggia nætr .v. áðr en upp se ausit oc áðr en matr se áborinn. En ef scip búanda er svá fört þá er matr kemr á oc föt manna. at menn sculo ausa hálfum stundum. þá er þat fört. en ef lecara er þá er eigi fört. oc liggr eigi hásetum við þó at þeir gangi frá.[3]

Um þingför.[4]

6   Sex aurar liggia búandum við þat ef hann ferr eigi til þings þess er menn sculo scip láta gera. En .iij. aurar liggia búanda við ef hann ferr eigi til þess þings er naust scal gera.

Konungr scal nefna stýrimann.

7   Konungr scal nefna stýrimenn til scipa allra. En ef stýrimaðr nemsc oc vill eigi fara. þá liggia honom mercr .vj. við. Stýrimaðr scal nemna háseta. en ef háseti nemsc á fyrsta þingi. þá liggia honum við .iij. mercr. Nemna scal hann einleypa menn fyrst. en þá er einleypir menn ero aller nemnder förer menn. þá scal nemna böndr til þá er forverc eigo ser. En ef eigi vinz þá enn. þá sculu .ij. einyrkiar fara. en [hinn þriði[5] heima vera. oc scrásc[6] hverr farar maðr. svá einyrki sem annarr maðr.

Um manntals þing.

8   Ef menn hafa manntals þing sitt. þá sculo allir böndr til koma bædi lender menn oc ármenn oc konor þær er einar búasc búi fyrir nauðsynialaust. en ef nauðsyniar

Jvfr. Cap, 6. G. 306. 307. Cap. 7. G. 299. Cap. 8. G. 296. 297.
  1. ↑ skatreip — b. f.
  2. ↑ sǫgl — c. d. f.
  3. ↑ af — c. d. e. f.
  4. ↑ Um sǫglreiða — e. d. f. um seglreiða — e.
  5. ↑ [einn — e.
  6. ↑ Alle Afskrifterne have opr. seralc, hvilket ei giver nogen Mening; men i d. er med Arne M.s Haand, og i e. med den sædv. Marg. Haand tilf. i Margen: scrásc.
Hentet fra «https://no.wikisource.org/w/index.php?title=Side:Norges_gamle_Love_indtil_1387_Bd._1_199.jpg&oldid=171643»