| Frostathings-Lov. (VI.) | 197 |
taca .iij. luti er .iiij. manne ero at frændsemi við hinn dauða en hinir sculo böta er .iiij. manni ero at frændsemi við veganda oc verða þat .viij. ertogar vegnar. Nú scal þeim .ij. lutum er eptir ero scipta enn í fimm staði. oc sculo þeir er .v. manne ero at frændsemi við hinn dauða taca .iij. luti af þeim .v. lutum. en hinir sculo böta er .v. manni ero at frændsemi við veganda. oc verðr þat .iiij. peningar vegnir oc [.iij. ertogar vegnar.[1] En þeir er at[2] .vj. manne ero at frændseme við hinn dauða taci þá .ij. luti er eptir ero. oc verðr þat hálfr .iij. peningr veginn oc .ij. ertogar vegner.[3]
47 En nefgilldis frændbót af .ij. mörcum gullz verðr allz .vij. peningar vegnir oc .v. ertogar vegnar. þessi frændbót scal svá scipta í .v. staði sem hinni fyrri er í nefgilldi var. oc sculo þeir er .iiij. manne ero at frændsemi við hinn dauða taca .iij. luti af þeim .v. lutum oc verða þat .iiij. peningar vegnir oc eyrir veginn. Nú scal þeim .ij. lutum er eptir ero scipta enn í .v. staði. oc sculo þeir er .v. manni ero at frændsemi við hinn dauða taca hálfan .vj. pening veginn oc ertog vegna.[4] En þeir sem at .vj. manni ero at frændsemi við hinn dauða taci .xvij. peninga vegna.
j. Her seger til útfarar bolcs.
ij. Um smiða caup.
iij. Um naust gerð.
iiij. Um reiða fang.
v. Um reiða til segls oc trés oc framsetning scips.
vj. Um þingför.
vij. Um nefning stýrimanns oc háseta.
viij. Um manntals þing hvat við liggr.
ix. At hverr gere leiðangr.
x. Um útgerð ómaga oc þeirra manna er fara at caupum sínum í herað or caupangi.
xj. Ef maðr á hús í caupangi en bú í heraði.
xij. Ef manns missir eða matar í hömlu.
xiij. Um gilld vápn öll.
xiiij. Nú scal scipa scip.
xv. Um skiölld.
xvj. Um lícþrán ómaga.
xvij. Um fylkis prest.
xviij. At lendirmenn gere leiðangr.
xix. Um þat ef scip verðr úfört.
xx. Ef maðr leypr[6]6 frá hömlo sinni oc um ábyrgð scips.
