Side:Norges gamle Love indtil 1387 Bd. 1 196.jpg

196

Ældre

annat slíct. Föðorfaðir oc sunarsunr veganda sculo böta föðor feðr^[1] oc sunar syni hins dauða ertog vegnum minna en .vj. aura vegna. En sunum sacauca hálfum .xiiij. peningi vegnum minna en hálfa mörc vegna. en^[2] sunar sunum sacauca þriðiungi minna. En þat verðr allz er sacaucar taca oc synir hans oc sunarsynir hálfum .xvij.^[3] peningi vegnum minna en hálf .v. mörc vegin.

Um móðorföður oc dóttorsun.

43   Móðorfaðir oc dóttorsunr veganda sculo böta móðorföðor oc dóttorsyni hins dauða ertog oc .v. aurum vegnum. Móðorbróðir oc systursunr veganda scal böta módor bróðor oc systursyni hins dauða hálfa mörc vegna. Systkina synir veganda sculo böta systkina sunum hins dauða .viij. ertogum vegnum. Systrasynir veganda sculo böta systrasunum hins dauða hálfan .xvij.^[4] pening veginn oc .v. ertogar vegnar. En þat verðr allz er mycla nefgilldis menn taca hálfum .xiiij. peningi vegnum minna en .xiiij. aurar vegner.

Sunardóttorsun.

44   Sunardóttorsunr veganda scal böta sunardóttorsyni hins dauða .iij. aura vegna. Dóttordóttorsunr veganda scal böta dóttordóttorsyni hins dauða hálfan .iij. eyri veginn. Bróðordóttorsunr veganda scal böta bróðordóttorsyni hins dauða .ij. aura vegna. Systurdóttorsunr veganda scal böta systurdóttorsyni hins dauða hálfan annann eyri veginn. Systkina dötra synir veganda sculo böta systkinadötrasunum hins dauða eyri veginn. Systra dötra synir veganda sculo böta systra dötra sunum hins dauða hálfan eyri veginn. En þat verdr allz er litla nefgilldis menn taca hálfr .xj. eyrir veginn.

Um bróðor þýborinn veganda.^[5]

45   Bródir þýborinn veganda scal böta bróðor þýbornum hins dauða .v. aurum vegnum. Bröðrasynir oc eptir bröðra sunu veganda sammöðra sculu böta bröðrasunum oc eptir bröðra sunu hins dauða sammöðra .xiij. peningum vegnnm oc .iij. aurum vegnum. Móðorbróðir oc systursun veganda sammöðra sculo böta móðorbróðor oc systursyni hins dauða sammöðra .viij. ertogum vegnum. Systkina synir veganda sammöðra sculo böta systkina sunum hins dauða sammöðra hálfan .viij. pening veginn oc ertog veginn. Systrasynir veganda sammöðra sculo böta systrasunum hins dauða sammöðra hálfa .iiij. ertog vegna.^[6] En þat verðr allz er þesser menn taca .x. peningum vegnum minna en .xiiij. aurar vegnir.

En í frændbót í dauggilldi.

46   En í frænðbötr í bauggilldi^[7] af .ij. mörcum gullz verðr allz hálfum .iiij. peningi minna en hálfr .v. eyrir veginn. oc scal þat fé fimdeila. þeir menn sculo

1. bróðor — c. d. e. f.
2. oc — b. f.
3. Skrf. f. .vij.
4. Skrf. f. .vij.
5. veganda — mgl. e.
6. Aabenbar Feilskrift eller Feilregning istf. „hálvan .vij. pening veginn oc .v. ertogar vegnar.“
7. Saavel her som i Overskr. findes i alle Afskrífter nefgilldi, hvilket, som aabenbar Feil, er rettet.