| 194 | Ældre |
35 Sunr þýborenn veganda scal böta syne þýbornum hins dauða .v. peninga vegna oc .vij. aura vegna. Bróðer þýborenn veganda sammöðra scal böta bróðor þýbornum hins dauða sammöðra annat slíct. Föðorfaðir oc sunarsunr veganda scal böta föðorfeðr oc sunarsyni hins dauða .v. peninga vegna oc .vij. aura vegna. En synir sacauca sculo taca .xvij. peningum minna en .v. aura vegna. En sunar synir sacauca þriðiungi minna. En þat verðr allz er sacaucar taca oc synir þeirra oc sunar synir .xij. peningar vegnir oc .ij. ertogar vegnir oc hálf .vj. mörc vegin.
36 Móðorfaðir oc dóttorsunr veganda scal böta móðorföður oc dóttorsyni hins dauða ertog vegnum minna en .vj.[2] aurum vegnum. Móðorbróðir oc systursunr veganda sculo böta móðorbróður oc systursyni hins dauða .v. aurum vegnum. Systkina synir veganda skulo böta systkina sunum hins dauða .x. ertogum vegnum. Systra synir veganda sculo böta systra sunum hins dauða hálfan .xiiij. pening veginn oc .ij. aura vegna. En þat verðr allz er þessir menn taca .xvij. aurar vegner oc hálfr .xiiij. peningr veginn.
37 Nú hefz sú bot[3] er menn calla nefgilldit litla. Nú scal sunar dóttor sunr veganda böta sunar dóttor syni hins dauða .xv. peningum minna en hálfa mörc vegna. Nú scal dóttordóttorsunr veganda böta dóttordóttorsyni hins dauða hálfan .viij. pening veginn oc .iij. aura vegna. Bróðordóttorsunr veganda scal böta bróðordóttorsyni hins dauða hálfan .iij. eyri veginn. Systurdóttorsunr veganda scal böta systurdóttorsyni hins dauða hálfum .viij. peningi vegnum minna en .ij. aura vegna. Systkina dötra synir veganda sculo böta systkina dötra sunum hins dauða .xv. peningum vegnum oc eyri vegnum. Systradötra synir veganda sculo böta systra dötra sunum hins dauða hálfum .iij. peningi vegnum minna en .ij. ertogar vegnar.[4] En þat verðr allz er litla nefgilldis menn taca hálfr .viij. peningr veginn oc .xiij. aurar vegnir.
38 Bróðir þýborinn veganda scal böta bróðor þýbornum hins dauða .xv. peningum oc .vj. aurum vegnum. Bröðra synir veganda sammöðra oc eptir bröðra sunu sculo böta bröðra sunum hins dauða oc eptirbröðrasunum .ij. peninga oc hálfa mörc vegna. Móðorbróðir oc systursunr veganda sammöðra scal böta móðorbróðor oc systursyni hins dauða sammöðra .x. ertogum vegnum. Systkina synir veganda sammöðra sculo böta systkina sunum hins dauða sammöðra .xiij. peningum vegnum .ij. aurum vegnum. Systra synir veganda sammöðra sculo böta systrasunum hins dauða sammöðra hálfum .iij. peningi vegnum minna en hálfan annan eyri veginn.
