| Frostathings-Lov. (VI.) | 187 |
lengra upp í ætter. at á þá er byggianda oc liðin frændsemi. Varla má þat vel allt saman vera sakir oc sifskapir.
12 En nefgilldis frændbót verðr allz ertogr oc .v. aurar vegnir. oc scal þessare frændbót svá stipta sem hinni fyrru. ætla í fimm staði. þeir sculo taca .iij. luti af þeim fimm lutum er fiórða manne ero at frændsemi við hinn dauða. oc verða þat .iij. aurar vegner oc .xij. peningar. Nú scal þeim .ij. lutum er eptir ero scipta enn í fimm staði. oc sculo þeir er at fimta manni ero at frændsemi við hinn dauða taca .iij. luti oc verðr þat hálfr[1] .xvij. peningr veginn oc eyrir veginn. En þá .ij. luti sem eptir ero tace þeir er .vj. manni ero at frændsemi við hinn dauða oc scipte meðal sín. en þat verðr einn peningr veginn oc hálfr þriði ertogr veginn.
13 Nú hefr upp bót aðra oc segir til þess hvat þá scal hverr taca eða böta ef .v. mercr gullz ero dömdar í bötrnar. Vegandi eða veganda sunr scal böta syni hins dauða .iiij. mörcum vegnum oc .iiij. ertogum. Faðir veganda scal böta feðr hins dauða annat slíct. Bróðir veganda scal böta bröðr hins dauða einn eyri veginn oc .iij. mercr vegnar. Föðorfaðer oc bróðorsunr veganda sculo böta föðorfeðr oc bróðorsyni hins dauða .ij. mercr vegnar oc .ij. ertogar vegnar. Bröðrasynir oc eptir bröðra sunu veganda sculo böta bröðra syni oc eptir bröðra sunu hins dauða hálfan .xvij.[2] pening veginn oc .xj. aura vegna. En þat verðr allz er baugamenn taca hálfum eyri vegnum minna oc .iij. peningum vegnum en .xv. mercr vegnar.
14 Nú segir til sacauca bótar hvat þar scal hverr öðrum böta eða taca. Sunr þýborenn veganda scal böta syni hins dauða þýbornum .x. peningum vegnum oc .xiiij. aurum vegnum. Bróðir veganda sammöðra scal böta bróðor hins dauða annat slíct. Föðorfaðer oc sunarsun veganda sculo böta föðorfeðr oc sunarsyni hins dauða .x. peningum vegnum oc .xiiij. aurum vcgnum. En synir sacauca sculo taca hálfum .xiiij.[3] peninge vegnum minna en hálfan .x. eyri veginn. En sunarsynir sacauca sculo taca þriðiungi minna. En þat verðr allz er aucar taca oc synir þeirra oc sunarsynir .xj. mercr vegnar oc hálfr .iiij. peningr veginn oc .v. ertogar vegnar.
15 Móðorfaðer oc dóttorsun veganda sculo böta móðorfeðr oc dóttorsyni hins dauða ertog oc .xiij. aurum vegnum. Móðorbröðr oc systursynir veganda sculo böta móðorbröðr oc systursyni hins dauða .x. aurum vegnum. Systkina synir veganda sculo
