Side:Norges gamle Love indtil 1387 Bd. 1 186.jpg

186

Ældre

Systurdóttorsunr veganda^[1] scal böta systurdóttorsyne hins dauða halfum fimta eyre vegnum. Systkinadötrasyner veganda sculo böta systkinadötrasunum hins dauða .iij. aurum vegnum. Systradötrasyner veganda sculo böta systradötrasunum hins dauða hálfan annan eyri veginn. oc verðr þá allz er litla nefgilldis menn taca hálfum eyri minna en .iiij.^[2] mercr vegnar.

Enn um sactal.^[3]

9   Nú seger til þeirra manna er ver höfnm eigi fundit í sactali hvar þeim er í bötr scipat. fyrer því at Frostoþings bóc gerer enga grein á því. hvárt þesser menn ero sammödder eða samfedder. en þeir mego þó eigi aller í eínni bót vera. þó at þeir se iamskyllder at frændseme oc ero aðrer samfedder en adrer sammödder. oc má þar taca til^[4] döma sem bróðer sammöðra^[5] er. eigi er honum scipat í bót með bróðor samfeðra. hann er bauga maðr. en hinn er sacauci. oc er þar sín bót hvárum ætlat. oc svá er nú þessum epter nýrri scipan. sem her mun til segia.

Um bröðrasuno.

10   Nú sculo bröðrasyner oc epter bröðrasunu sammöðra veganda böta bröðrasunum oc epterbröðrasunum sammöðra hins dauða ertog minna en .ix.^[6] aura vegna. Móðorbróðer oc systursunr sammöðra veganda sculo böta móðorbróðor oc systursyne sammöðra hins dauða mörc vegna. Systkinasyner sammöðra veganda sculo böta systkina syne^[7] sammöðra hins dauða ertog oc .vj.^[8] aura vegna. En systrasyner sammöðra veganda sculo böta systrasunum hins dauða sammöðra hálfum .iiij. eyre vegnum. Bróðer þýborenn veganda scal böta bróðor^[9] hins dauða þýbornum .xv. aurum vegnum. oc verðr þat nú allt saman er þesser menn taca.^[10]

En af .vj. mörcum gulls.

11   En af .vj. mörcum gulls verðr allz í frændbötr í^[11] bauggilldi ertogr oc .xiij. aurar vegnir. oc er þat fimmdeillt fé. svá fimmdeillt at þeir sem fiórða manne eru at frændsemi við hinn dauða. sculu taca .iij. luti af þeim fimm lutum. en .ij. niðr falla. oc verðr þat mörc vegin. er^[12] þeir lióta aller at scipta sín á meðal er svá ero skylldir. Nú scal þeim lutum er eptir ero scipta enn í fimm staði. oc sculo þeir er fimta manni ero at frændsemi við hinn dauða taca .iij. luti af þeim fimm lutum. en þat verða .xij.^[13] peningar vegner oc .iij. aurar vegner. En þá .ij. luti er eptir ero taci þeir er setta manne ero atfrændsemi við hinn dauða. en þat verða .viij. penningar vegner oc.iij.^[14] aurar vegner. En fyrir þvi bötum ver nú eigi

1. veganda — mgl. b. c. d. f.
2. .iij. — c. d. e. f.
3. söctal — c. d.
4. at — tilf. c. e.
5. sammöddr — e.
6. Feilskr. f. .x.
7. Saaledes i Afskrr. Rettere vistnok sonum.
8. Feilskr. f. .v.
9. bröðr — c. d.
10. Her synes Angivelsen af Totalsummen at mangle.
11. Rettet fra oc, der ei giver nogen Mening.
12. Enn — b. f.
13. Dette Tal mgl. i A., men maa nödvendigviis tilföies.
14. Sandsynl. Feilskr. f. .ij.