| Frostathings-Lov. (Indledn.) | 125 |
17 Of auðn þat er maðr slær yfir oc sár eigi. þa scal sá er auðn á hallda upp[2] boðburð oc fátöcra manna flutning. en eigandi komi hann kaupi sínu við þann er næstr býr auðninni eptir því sem scynsamir menn virða. En ef hann gerir bæði sær oc slær yfir þá scal hann gera slícan leiðangr sem sannsýnum mönnum kemr á samt á manntalsþingi.
18 En um þær auðnir er menn vilia byggia. þá scal sá ráða er auðn á at húsa siálfr. oc liá .iij. vetr þeim er upp vinnr iörð. elligar at sá hafi .vj. vetr sculldarlaust er húsar oc upp vinnr iörð bæði at acri oc eng. nema þeir semi annat caup sín ámílli. En leiðangr höfum ver af gefit fyrir .ij. nef svá lengi sem hann hefir sculldarlaust.
19 Of eignir þær er utan stafs ero kallaðar oc í almenningum ero görvar. þá vilium ver at þar standi slíc lög oc scipan um meðal konungs oc karls sem austr eða suðr í landit. oc slíca þegnscylldu geri þeír her sem þar etir konungs skipan. Svá er oc mætt at búendr[4] scolo[5] gera konungi ræiðscióta svá mykinn sem hann þarf. En ármaðr scal[6] scera reiðscióta boð. En búendr allir er[7] boð kemr til garðz [þá scolo[8] þeir gera reiðscióta konungí. hvert ross scal í reiðscióta hans fara er seli eða söðull hefir á komit. En ef konung scortir reiðscióta. þá scal giallda .iij. aura silfrmetna fyrir hvert ross er scortir.
20 Þat er oss oc[9] kunnikt at af engu eyðiz í enu meir ríki várt en af því at eígi kann vinnumenn fá í heröðum. því at allir vilía nú í kaupferðír fara en engi vinna fyrir bóndum. oc[10] fyrir því vilium ver þat vandlega fyrirbíóða at nöckurr maðr fari sá í kaupferðir er minna fé á en til .ííj. marca. Scal þetta forboð standa frá páscum oc tit Míchialsmesso hvert ár. en frá Michialsmesso oc allan vetrinn síðan fari hverr í friði með slícu sem guð hefir gefit honum hvárt sem þat er meira eða minna. En þeir stýrimenn er taca menn á scip sín með minna fé en nú er sagt þá gialldi .vj. aura fyrir hvern þeirra er félag leggr við þá.
21 Þessir lutir ero þeir sem flestum mönnum man sýnaz sem konungðómrínn hafi langlega rangendi af haft oc vátta þó lögbökr at konungr eigi sectir á. Sá er
- ↑ sár — b. c. d. e. f.
- ↑ uppi — c. e.
- ↑ þær er — b. f. þær — mgl. c. e.
- ↑ Arne M.s Rettelse i a. istf. det meningslöse helldr, der findes i alle Afskrifter. Ogsaa i e. er med lysere Blæk tilföiet "lege böndur".
- ↑ skule — c. e.
- ↑ láta — tilf. b. f.
- ↑ þat — tilf. b. f.
- ↑ [mgl. i c. tilf. i Marg. med lysere Blæk — e.
- ↑ oc — mgl. c. e.
- ↑ oc — mgl. b. c. d. e. f.
- ↑ konung — f.
