Side:Goethe Hermann og Dorothea.pdf/41

Gjæv og gild som du er, so er no Huset aa stjorna
din Fyresetnad og so aa halda Hand yver Garden.
Difyre, seg meg no greidt: kva driv deg til Raadgjerd som denne?«

  Aalvorsam svarade Sonen: »Moder, De mistek Dykk. Ein dag
er 'kje den hin Dagen lik. Av Ungdomen fram vekser Mannen;
ofta mognast han betre til Manns Gjerd i Stilla en uti
Livsens Villa og Staak, som so mangein Ungdom hev øydt. Og
endaa so still som eg er og var, so hev daa i Barmen
lagat seg til eit Hjarta, som hatar Uskil og Urett,
Skilgreida hev eg og myket godt Skyn paa dei verdslege Saker,
Arbeid hev ogso gjort Foten og Armen duglege sterke.
Alt er røynlege sant; det segjer eg hugheilt og urædd.
Likavel lastar De meg med retto, mi Moder, De hev meg
fangat i halvsanne Ord og i halve Tilgjerdsla ogso.
For, lat meg segja det no, det er 'kje den trugande nære
Faaren, som ropar meg ut or Farshuset, ikkje den høge
Tanken aa tena mitt Land og aa slaa vaare Valdsmenn med Otte.
Ord berre var det, eg talad'; Ord, som fyr Dykk skulde løyna
Kjenslorne mine, som slit og riv meg mitt Hjarta i sunder.
Difyre, Mor, lat meg vera! For sidan eg faafengde Ynskje
hyser i Barmen, so fær og Livet mitt fara i Faafengd.
Hardla vel eg det veit: den eine, som ofrar seg, berre
skader seg sjølv, naar ikkje alle er med og er samde.«

  »Haldt berre fram,« sagde daa den vituge Moder, »fortel meg
alt baade smaatt og stort; for so er Mennerne lagad,