Side:Garborg - I Helheim.djvu/90

Fra Wikikilden
Denne siden er godkjent


Vrantar er det og Tverkekrokar
med Hugen hard og braa;
d’er dei som ikkje gav Tilgjeving
og kunde kje heller faa.

Einast naar andre ei Uferd fór,
kunde ein sjaa deim glade;
og aldri lo dei av Hjartans Grunn
utan aat annans Skade.

Veslemøy.

Bed Volva segja det til deim,
at vitlaust og villt dei fer.

Systeri.

Alt dei lære kann av Tale
visste dei fyrr dei kom her.

Veslemøy.

So lærer dei snart av Vonde-Røynd,
der i sin Eld dei kvider?

Systeri.

Dei elskar sitt arge eitrande Hat
og Hemni som gløder og svider.