Denne siden er godkjent
kvar kjenner med seg det vonde Hjarta
og burt seg i Harm maa snu.
Alle dei hatar og ingin trur;
den Naudi er tung aa bera.
Og minst trur det arme sjuke Hat
Kjærleik som vel vil gjera.
*
Veslemøy.
Mykje syner seg her for Augo
i Helheims-Ljose dimt;
kva er det som gjeng gjenom døkke Dalar
som døyvde Ljoske-Skimt?
„Sjaa!“ baud Volva.
Veslemøy saag;
eit Ørske-Under
for Augo laag.
Det er ikkje Hav,
det er ikkje Brand;
d’er Logar som flakkar
um alt det Land.
D’er Logar som sviv
um all den Heim
