Denne siden er godkjent
Dei skjeglar og skjelv;
dei uler fælt;
Kallsveiten renn,
og Frauda velt.
Grøne som Gall,
svarte som Jord
dei gruver for eigne
Heluvs Ord.
Systeri kved:
„gjenom Ordi som klingar
det sanne her
seg fram tvingar.
Det tvingar seg fram
som duldest paa Jord;
dei talar her
som dei der fór.“
Veslemøy.
Hardt hev dei synda, dei Prestemenn,
som gjeng her i denne Vaade?
Systeri.
Dei laug burt for Folke dei heilage Bòd
og lærde det synde paa Naade.
