Denne siden er godkjent
Og fyrr eg vil inn i den Suti hard,
fyrr gjeng eg og bed meg i kvar Manns Gard.
— Me veit, naar det er so laga . . .
Ja fyrr eg vil dragast med Barn og Mann,
fyrr gjeng eg Fanteferd Land og Strand!
— Me veit, naar det er so laga . . .
Skjemte og fjasa eit Grand, — lat gaa;
men kysse eit Skjegg! Aa langt derifraa!
— — Det var, — um det var so laga?
DØMD
Det kveldar um Haust yvi laage Land.
Eit Havbrak vaknar ved Nordan-Strand.
Blaakalde Skyir kviler i Vest.
Dagsens Auga sloknar og brest.
Myrane søv under Taake-Feld.
Aa-sus varslar i stille Kveld.
