Denne siden er godkjent
— Veslemøy sit som tryllt og glor,
og tungt av Barm ho andar.
No gjeng det baade ned og nord;
for Troll og Folk seg blandar.
Og Ljosi dovnar. Myrkre meir
og meir seg saman ringar.
Tussar tumlar seg fleir og fleir.
— So stryk det upp med Springar:
Aa gjævaste deg,
eg giljar for deg,
aa sulla med meg
i sudeli-dudelidei
Venaste deg,
aa venta paa meg,
no kjem eg til deg
i dudelelidei.
Aa hildrande du,
no vil eg meg snu
og byggje og bu
i Haukeli-Haukeli-hei.
