Side:Nye testamente (1889).djvu/7

Kap. 2.

¹³ Men daa dei var farne burt, sjaa, daa synte Herrens Engel seg i ein Draum fyre Josef og sagde: „Statt upp, tak Barnet og Moder hans og fly til Ægypten og dryg der, til dess eg segjer deg til, for Herodes vil søkja etter Barnet til aa tyna det.“—
¹⁴ Men han stod upp, tok Barnet og Moder hans um Natti og foor til Ægypten.
¹⁵ Og han drygde der, til Herodes døydde, so at det skulde verta uppfyllt, som er sagt av Herren ved Profeten, som segjer: „Ut or Ægypten kallade eg Son min.“
¹⁶ Daa Herodes saag, at han var narrad av Vismennom, daa vart han myket harm og sende av og leet slaa i Hel alle Guteborn i Betlehem og i heile Grannelaget der ikring, ifraa tvo Aars Alderen og der under, etter den Tidi, han hadde utspurt av Vismennom.
¹⁷ Daa vart det uppfyllt, som er sagt av Profeten Jeremias, som segjer:
¹⁸ „I Rama er det høyrt ei Røyst; Ynk og Graat og myket Illskrit; Rakel gret fyre Bornom sine og vilde ikkje lata seg trøysta, avdi dei ikkje ero til.“
¹⁹ Men daa Herodes var daud, sjaa, daa synte Herrens Engel seg i ein Draum fyre Josef i Ægypten
²⁰ og sagde: „Statt upp, tak Barnet og Moder hans og far til Israels Land; for dei ero daude, som stod Barnet etter Livet.“
²¹ Men han stod upp og tok Barnet og Moder hans og foor til Israels Land.
²² Men daa han høyrde, at Arkelaus var Konge i Judæa etter Herodes, Fader sin, vart han rædd fyre aa koma der; men han vart aatvarad av Gud i ein Draum og foor av til Galilæa-Bygdi.
²³ Og han kom og budde i ein By, som er kallad Nasaret, at det skulde verta uppfyllt, som er sagt ved Profetarne, at han skulde verta kallad Nasaræaren.

3dje Kapitlet.

 Men i dei same Dagom kom Johannes Døypar fram og forkynte i Øydemarki i Judæa
² og sagde: „Umvende dykker, for Himmelriket er nær.
³ For han er den, som er umtalad av Esaias Profeten, som segjer: Det er Røysti av ein, som ropar i Øydemarki: Rydje Herrens Veg, gjere Stigarne hans jamne.“
⁴ Men Johannes sjølv hadde sin Klædnad av Kamelhaar og Lederbelte um Livet; men hans Føda var Engsprettor og vill Honing.
⁵ Daa gjekk det ut til honom Jerusalem og heile Judæa og heile Grannelaget ved Jordan.
⁶ Og dei vart døypte av honom i Jordan, naar dei skriftade sine Synder.